2 PETRU 3:16 - Jinghpaw Common Language Bible 2009

¹⁶ Pawlu gaw ndai lam hte seng nna shi ka ai laika ni hta ndai hte maren ka madun da nga ai. Shi a laika hta rawng ai ginlam nkau mi gaw chye na yak ai majaw, angawk angak re ai ni hte myit n gring ai masha ni gaw shut ai hku lachyum hpyan la ma ai, kaga chyum ga ni a lachyum hpe mung dai hte maren htai la shut ai majaw shanhte a hten bya ai lam hpe shanhte nan galaw la masai.

Jinghpaw Hanson Version Bible

¹⁶ Dai laika ni hta e chye yak ai lam langai ngai rawng nga ai rai nna, n sharin yu ai ni hte myit n gring ai ni gaw, dai Chyum laika ni kaga hpe zawn, tinang dai a jahten shabya na matu shanut kau mu ai.

2 PETRU 3:16 ပူးပေါင်းရင်းမြစ်များ

NINGPAWT NINGHPANG 49:4

Nang gaw mawru hka zawn kabrawng nga ndai, Rai ti mung nang gaw ahkyak htum ai wa n rai nga ndai, Nang gaw nye a lashi num hte yup nit dai majaw, Na nwa a yup ku hpe sari jahpoi kau ya nga ndai.

1 HKAWHKAM 10:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai.

SHAKAWN KUNGDAWN 56:5

Nye a gumlau hpyen ni ngai hpe shani tup sharu shatsang nga ma ai; ngai hpe lam maga ga hku nna, machyi shangun na matu, shanhte tut nawng e myit shapraw nga ma ai!

PRU MAT 23:2

Nang gaw n hkru ai amu galaw ai hte teng man ai lam hpe shadam kau na matu masha law law sakse hkam ya ai maga de hkum hkan et.

PRU MAT 23:6

“Matsan mayan wa tara rung hta amu pru yang, teng man ai tara hpe hkum nyet kau et.

YEREMIA 23:36

Dai rai nna, shanhte gaw, ‘Dai Madu gun ai lit,’ ngu ai ga hpe galoi mung tsun lu na n rai; hpa majaw nga yang, marai langai ngai dai ga tsun a yang gaw, nye a mungga hpe shi a lit teng teng ngai shatai na we ai. Amyu masha ni gaw Chyahtum Chyalai N-gun Rawng ai dai Madu ahkrung nga ai Karai Kasang ngu ai shanhte a Karai Kasang a mungga ni hpe jashai kau manu ai.

HABAKU 1:4

Tara gaw n-gun kya mat nna akyu n jaw lu nga ai, teng man rap ra ai tara agyi ni kaw nna galoi mung n pru nga ai. N hkru ai masha ni gaw ding hpring ai masha ni hpe dang kau ma ai majaw teng man ai lam n dan dawng lu nga ai.

MAHTE 15:3

Shi shanhte hpe htan nna tsun mu ai gaw, “Taw, nanhte wa gaw, hpa majaw Karai Kasang hkang da ai ga matsun hpe tawt kau nna tinang a htung lai ni hpe hkan nga myit ta?

MAHTE 15:6

dai wa gaw kanu kawa hpe karum madi shadaw n ra mat sai, ngu nna nanhte sharin shaga myit dai. Shing nga nna nanhte gaw tinang a htung lai hkan lu na matu Karai Kasang hkang da ai tara hpe shinggan kau myit dai.

MAHTE 22:29

Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

HEBRE 5:11

Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai.

YAKU 1:8

Shing re ai wa gaw agyoi ai wa rai nga ai majaw dai Madu kaw na lama ma lu la na zawn hkum nawn nga u ga.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

2 PETRU 2:14

Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

2 PETRU 3:2

Chyoi pra ai myihtoi ni moi shawng de tsun dan ai ga hpe mung, nanhte a kasa ni a lata hku nna hkye hkrang la ai Madu hkang da ai ga ni hpe mung ngai nanhte hpe bai myit dum shangun mayu nga nngai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.