2 PETRU 3:14 - Jinghpaw Common Language Bible 2009

¹⁴ Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

Jinghpaw Hanson Version Bible

¹⁴ Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

2 PETRU 3:14 ပူးပေါင်းရင်းမြစ်များ

MAHTE 24:26

“Shing n rai, nanhte gaw, ‘Yu mu! shi gaw nam mali hkan e nga nga ai!,’ nga nna tsun ma ti mung, nanhte dai de hkum pru sa myit. Bai, ‘Shi nang e makoi nga ai!,’ nga nna shanhte tsun yang, dai hpe hkum kam myit.

MAHTE 25:7

Shaloi jang dai mahkawn shi rawt nna tinang a pyengdin lajang shachyi ma ai.

LUKA 12:43

Shi a madu bai du yang, shing rai galaw nga la ai shangun ma gaw, a nga ai.

LUKA 2:29

“Ya, N-gawn Madu e, na a ga sadi tawn da nit dai hte maren, na a shangun ma wa hpe ngwi pyaw ai hte wa shangun dat nit ga law.

1 KORINHTU 1:8

Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

HPILIPI 1:10

Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

HPILIPI 3:20

Anhte chyawm gaw sumsing lamu mung chying sha ni rai nga ga ai rai nna sumsing lamu kaw nna anhte a Hkye Hkrang la ai Madu Hkristu Yesu du sa wa na hpe ala nga ga ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

1 TIMOHTI 6:14

Nang gaw nang hpe hkang da sai lam ni hpe madat mara nna Hkristu bai dan pru na ra ai shani nhtoi du hkra kang ka ai hte hkan sa shatup nga u.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.

2 PETRU 3:16

Pawlu gaw ndai lam hte seng nna shi ka ai laika ni hta ndai hte maren ka madun da nga ai. Shi a laika hta rawng ai ginlam nkau mi gaw chye na yak ai majaw, angawk angak re ai ni hte myit n gring ai masha ni gaw shut ai hku lachyum hpyan la ma ai, kaga chyum ga ni a lachyum hpe mung dai hte maren htai la shut ai majaw shanhte a hten bya ai lam hpe shanhte nan galaw la masai.

1 YAWHAN 3:3

Hkristu hta dai myit mada shara lu ai masha shagu gaw, Hkristu nan chyoi pra nga ai hte maren tinang hkum hpe mung shachyoi shapra da nga ai.