2 PETRU 3:12 - Jinghpaw Common Language Bible 2009

¹² Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.

Jinghpaw Hanson Version Bible

¹² chyoi pra ai arawn alai hte tara hkungga ai myit rawng let, nanhte kaning re ai masha mai tai na myit ta?

2 PETRU 3:12 ပူးပေါင်းရင်းမြစ်များ

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

ESAIA 24:19

Ginding aga gaw kaprang ga wa nna ga gamang ai hte ga mahka mat wa na ra ai.

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:11

Arai yawng mayawng ndai hku nna jahten kau hkrum na ra ai rai yang gaw, nanhte kaning re ai masha ni rai ra nga myit ta? Nanhte a asak hkrung lam gaw chyoi pra nna Karai Kasang hta sak nawng da ai asak hkrung lam rai ra nga ai.

2 PETRU 3:4

Anhte a kawa ni si mat wa masai; rai ti mung arai yawng mayawng gaw, mungkan ga hpe hpan da ai aten na hte maren sha arai nga a hka!,” nga nna san na ma ai.

2 PETRU 3:7

Rai ti mung Karai Kasang gaw ya nga nga ai sumsing lamu ni hte ginding aga hpe wan hte jahten kau na matu moi na mungga hte nan kyem mazing da nga wu ai. Shanhte hpe tara n hkungga ai masha ni hte rau tara daw dan nna jahten kau na nhtoi du hkra naw tawn da wu ai.

YUDA 1:21

Madu Yesu Hkristu gaw shi a matsan dum ai myit hte nanhte hpe jaw na rai nga ai nhtum nwai asak lu la hkra Karai Kasang a tsaw ra ai myit hta anga nga mu.