2 PETRU 3:11 - Jinghpaw Common Language Bible 2009

¹¹ Arai yawng mayawng ndai hku nna jahten kau hkrum na ra ai rai yang gaw, nanhte kaning re ai masha ni rai ra nga myit ta? Nanhte a asak hkrung lam gaw chyoi pra nna Karai Kasang hta sak nawng da ai asak hkrung lam rai ra nga ai.

Jinghpaw Hanson Version Bible

¹¹ Shing rai, arai yawng mayawng krawp ayai mat ai hkrum na teng nga ai majaw, sumsing lamu ni hpe wan hkru kau ai hta krawp ayai mat nna, arai guji guyang hpe kahtet lai ai hte shabyawng kau na Karai Kasang a nhtoi hpe, nanhte ala nga nna myit marit nga myit dai gaw,

2 PETRU 3:11 ပူးပေါင်းရင်းမြစ်များ

SHAKAWN KUNGDAWN 37:14

Matsan mayan ni hte ra kadawn ai ni hpe mung, teng man ai amu galaw ai masha ni hpe mung sat kau na nga; n hkru n shawp ai ni gaw shanhte a nhtu ni hpe shaw nna, ndan ni hpe shachyen nga ma ai;

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

SHAKAWN KUNGDAWN 75:3

Mungkan ga hte dai hta nga ai hkrung mahkrung mahkra hte gari ashun awam wa ti mung; de a npawt nhpang ni hpe ngai shangang shakang da na nngai.

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

ESAIA 24:19

Ginding aga gaw kaprang ga wa nna ga gamang ai hte ga mahka mat wa na ra ai.

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

MAHTE 8:27

Sape ni chyawm gaw mau mahka nga nna, “Ndai wa gaw kaning re ai wa rai nga a ta? Nbung hte hkaleng ni pyi shi hpe madat mara nga ma hka!,” nga shajang ma ai.

ROMA 13:11

Nanhte gaw yup nga ai kaw na su hprang wa ra ai ahkying aten du ra ai hpe chye nga myit dai majaw, ndai tsaw ra tara hpe hkan sa nga mu. Hpa majaw nga yang, anhte hkye hkrang la hkrum na shani ninghtoi gaw Madu Yesu hpe anhte kam sham hpang ai aten kaw nna sawn yang grau ni wa magang ra ai.

ROMA 13:12

Shana ahkying lai magang wa nna shani nhtoi du magang wa ra ai. Dai re ai majaw nsin hte seng ai bungli ni hpe raw sharun kau nna, nhtoi a hpyen hking hpe dagraw nga ga.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 3:20

Anhte chyawm gaw sumsing lamu mung chying sha ni rai nga ga ai rai nna sumsing lamu kaw nna anhte a Hkye Hkrang la ai Madu Hkristu Yesu du sa wa na hpe ala nga ga ai.

1 HTESALONI 1:5

Hpa majaw nga yang, anhte gaw dai Kabu Gara Shiga hpe ga hte sha n rai, n-gun atsam hte mung, Chyoi Pra ai Wenyi hte mung, dai Kabu Gara Shiga a teng man ai hpe tsep kawp kam sham ai myit hte mung, nanhte hpang de la sa nna hkaw tsun ga ai. Anhte gaw nanhte hte rau nga nga ai ten hta, nanhte a mai kaja ai lam a matu mara anhte kaning rai asak hkrung hkawm sa saga ai lam, nanhte nan chye nga myit dai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

1 TIMOHTI 6:3

Kadai rai ti mung nhtan shai ai sharin shaga ai lam hpe sharin achyin ai wa gaw, anhte a Madu Yesu Hkristu a teng man hkum tsup ai mungga ni hte anhte a makam masham a sharin shaga ai lam hpe n hkan sa ai wa rai nga ai.

1 TIMOHTI 6:6

Kaja wa nga yang gaw tinang lu ai hta myit dik chye ai rai yang nawku htung gaw masha langai mi hpe lu su shangun ai rai nga ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

YAKU 1:24

Shi gaw shi hkum nan hpe atsawm sha yu la nhtawm pru hkawm mat wa ai hte rau shi a gawng shingyan hpa hte bung ai hpe malap kau ai wa hte bung nga ai.

YAKU 3:13

Nanhte hta hpaji byeng-ya hte chye chyang ai masha langai ngai nga a ni? Dai wa gaw shi hpaji byeng-ya rawng ai lam hpe shi a mai kaja ai asak hkrung lam hte mung, shagrit shanem nna hpaji byeng-ya rawng nga ai hku mai kaja ai magam bungli galaw ai hte mung sakse madun u ga.

1 PETRU 1:15

Nanhte hpe shaga la ai Karai Kasang gaw chyoi pra nga ai hte maren, nanhte mung nanhte galaw ai lam shagu hta chyoi pra nga mu.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

2 PETRU 1:3

Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

2 PETRU 1:6

Chye chyang ai lam hta tinang a hkum hpe hkang ai, tinang a hkum hpe hkang ai hta hkam sharang ai, hkam sharang ai hta tara hkungga ai lam,

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:12

Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.