2 PETRU 3:10 - Jinghpaw Common Language Bible 2009

¹⁰ Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

Jinghpaw Hanson Version Bible

¹⁰ Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

2 PETRU 3:10 ပူးပေါင်းရင်းမြစ်များ

SHAKAWN KUNGDAWN 102:26

Dai ni hten run mat wa tim, nang agrin nga na ndai; dai ni yawng gaw hpun nba ni zawn, dingsa mat wa na ra ai, hpun palawng ni zawn nang dai ni hpe galai kau ai hte dai ni mung wai mat na mara ai.

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 97:5

Mungkan ga ting a Madu Karai Kasang a man e, bum ni gaw gitbaw zawn byawng mat nga ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 24:19

Ginding aga gaw kaprang ga wa nna ga gamang ai hte ga mahka mat wa na ra ai.

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

YOELA 3:14

Hkying hkying law nga ai masha wunawng wuwa gaw Tara Jeyang ai Kadit hta nga nga ma ai. Dai yang e, dai Madu a nhtoi kade n na yang du wa na ra ai.

AMO LAIKA (AMOS) 9:13

Dai Madu gaw, “Nhtoi ni du wa mara ai: “Nli tum tu ai gaw dai hpe dan la lu ai hta grau lawan tu na ra ai, sabyi si ni gaw sabyi ntsin galaw shapraw lu ai hta grau lawan tu na mara ai. Bum ni hta dwi ai sabyi ntsin kahte hkrat na ra ai, kawng ni hta sabyi ntsin ni lwi na ra ai.

AMO LAIKA (AMOS) 9:5

Chyahtum Chyalai N-gun rawng ai Tsaw Htum ai dai Madu gaw ginding aga hpe ahtawk hkra dat ai hte dai gaw ashun nga ai; dai hta nga ai ni yawng sharung shayawt nga ma ai. Mungkan ga ting gaw Nila hka nu zawn rawt tung wa nna kyet mat nga ai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

NAHUM 1:5

Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

MARKU 13:31

Sumsing lamu hte ginding aga lai mat wa timung, nye a ga ni gaw n lai mat wa na li ai.

LUKA 12:39

Nta madu wa gaw gara ahkying aten hta lagut sa na hpe lama chye lu ai rai yang, shi amaja nga nna, shi a nta hpe tawk htu waw shang shangun na wu ai n rai nga ai hpe chye nga mu.

ROMA 8:20

Dai hpan da hkrum ai nga yawng nga pra chyawm gaw shi a myit mada yaw shada ai lam shagawm shamat kau hkra daw dan ai hkrum nu ai. Dai zawn byin shangun ai gaw mungkan ga gaw shi a myit ra ai hku n re sha Karai Kasang dai hku byin shangun mayu ai majaw rai nga ai. Rai ti mung myit mada shara naw nga ai.

1 KORINHTU 1:8

Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

2 KORINHTU 1:14

Anhte a Madu Yesu Hkristu bai du sa ai nhtoi hta anhte gaw nanhte a majaw gumrawng lu na ga ai hte maren, nanhte mung anhte a majaw gumrawng lu mu ga, ya e anhte a lam kau chyen sha mi nanhte chye na tawn ti mung, hkum tsup kup hkra chye na wa na hpe ngai myit mada nga nngai.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.

1 HTESALONI 5:4

Rai ti mung Hpu nau ni e, nanhte chyawm gaw nsin hta e nga nga ai ni n rai myit dai majaw, dai Madu bai du sa na shani gaw lagut zawn akajawng sha nanhte hpe dep la kau lu na n rai.

2 PETRU 3:11

Arai yawng mayawng ndai hku nna jahten kau hkrum na ra ai rai yang gaw, nanhte kaning re ai masha ni rai ra nga myit ta? Nanhte a asak hkrung lam gaw chyoi pra nna Karai Kasang hta sak nawng da ai asak hkrung lam rai ra nga ai.

2 PETRU 3:12

Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.

2 PETRU 3:7

Rai ti mung Karai Kasang gaw ya nga nga ai sumsing lamu ni hte ginding aga hpe wan hte jahten kau na matu moi na mungga hte nan kyem mazing da nga wu ai. Shanhte hpe tara n hkungga ai masha ni hte rau tara daw dan nna jahten kau na nhtoi du hkra naw tawn da wu ai.

YUDA 1:6

Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 21:1

Dai hpang, sumsing lamu ningnan hte ginding aga ningnan hpe ngai mu nngai, Shawng na lamu hte shawng na aga gaw hkoi mat wa sai. Panglai mung dai kaw na n nga mat sai.

SHINGRAN 3:3

Dai re ai majaw, nang hpa baw sharin hkam la lu sai hte, na la lu ai lam hpe bai dum u; dai hpe madat mara nna, na a yubak mara ni kaw na myit malai kayin wa u. Nang n maja nga taw gaw, lagu lagut zawn ngai nang kaw du na ring ngai; gara aten e ngai nang kaw du sa na ra ai hpe pyi nang n chye na ndai.

SHINGRAN 6:14

Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.