2 PETRU 2:17 - Jinghpaw Common Language Bible 2009

¹⁷ Ndai masha ni gaw hka hkyet hkraw mat sai hka shi ni hte mung, nbung laru e shapoi hkawm ai sumwi ni hte mung bung nga ma ai. Karai Kasang gaw sin mak nna sung dik ai kaw shanhte a matu shara langai mi mazing da ya manu ai.

Jinghpaw Hanson Version Bible

¹⁷ Shanhte gaw, hka n rawng ai hka htung ni hte, nbung e shapoi ai sai wan rai nga ma ai rai nna, dai chyang htat nna mang nga ai nsin gaw, shanhte a matu mara mazing da nga ai.

2 PETRU 2:17 ပူးပေါင်းရင်းမြစ်များ

YEREMIA 14:3

Sut su ai masha ni gaw shanhte a shangun ma ni hpe hka ja shangun ma ai; shanhte gaw hka lawng de sa ma ai, rai ti mung, hka n mu tam ma ai; shanhte gaw di bu kaman sha hte nhtang wa ma ai. Shanhte gaw myit daw ai hte ashuk ashak byin nna myi man magap da ma ai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 25:30

Dai akyu n rawng nna n hkaw ai mayam hpe gaw shinggan na nsin sin ai de shaden shapraw kau u: dai shara e shi gaw hkrap ngu hkrap ngoi ai hte wa udik urin rai na ra ai,’ ngu nna jeyang nu ai.

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

HEBRE 12:18

Nanhte gaw Israela amyu masha ni zawn lata hte nan jum hkra lu ai wan grung nga ai, achyang amang re ai, nsin chyip mak re ai, laru ru ai,

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

YUDA 1:6

Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.