2 PETRU 2:12 - Jinghpaw Common Language Bible 2009

¹² Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.

Jinghpaw Hanson Version Bible

¹² Dai masha ni mahtang gyit hkang la nna, jahten shabya na matu mara myit n leng ai ashu ashan ni zawn pra wa ai ni nan, rai nga ma ai; n chye n chyang ai hpa lam hpe mung shanhte shatan nhkan mu ai rai nna, tinang ni e jahten shabya di ai lam hta jahten shabya ai hkrum na hte, n ding n man ai amu a matu mara n ding n man ai shabrai hkam la na maru ai.

2 PETRU 2:12 ပူးပေါင်းရင်းမြစ်များ

SHAKAWN KUNGDAWN 49:10

Hpaji chye chyang ai masha ni rai ti mung, angawk angak re ai hte mana ai masha ni du hkra pyi, si ai hpe n lai lu ai gaw, kadai mung chye lu nga ai. Shanhte yawng gaw shanhte a sut gan ni hpe shanhte a matu mara ni a matu, htawng da ya nga ai.

SHAKAWN KUNGDAWN 92:6

Angawk ai masha wa n chye lu ai hte hpaji n rawng ai masha wa myit n hkawn lu ai lam baw mi nga nga ai.

SHAKAWN KUNGDAWN 94:8

Nye a amyu masha ni e, nanhte gaw kaning rai nna hpaji n rawng ai hte angawk angak rai mayu nga myit ni? Galoi mi she, sharin hkam la na ngu nga myit ni?

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

YEREMIA 10:21

Ngai gaw, “Anhte a ningbaw ni myit n su ma ai; shanhte gaw lam woi ningshawng tai ya na matu dai Madu kaw n hpyi ma ai. Dai re ai majaw shanhte hkrat sum mat ma ai, anhte a amyu masha ni shabra kau hkrum nga masai.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 12:3

Rai ti mung, Madu e, nang gaw ngai hpe chye ndai; Ngai hpa galaw ai hte ngai nang hpe kade daram tsaw ra nga ai hpe nang mu ndai. Ndai n hkru ai amyu masha ni hpe sat na sagu ni hpe zawn dun garawt mat wa u; shanhte hpe sat kau na aten ladaw da ai du hkra shanhte hpe sin da u.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

YEREMIA 5:4

Dai hpang, ngai gaw, “Ndai ni gaw matsan mayan ni hte n dum n hprang ai ni chyu rai ma ai. Shanhte gaw angawk ai hku hkawm sa ma ai; shanhte gaw shanhte a Karai Kasang hpa hpyi ai hpe mung, dai Madu shanhte hpe hpa galaw shangun mayu ai hpe mung n chye ma ai.

EZEKELA 21:31

Grung nga ai wan zawn na a ntsa e ngai ahpawt dat ai shaloi, nang gaw nye a sindawng kahtet ai hpe hkam sha na rai myit dai. Ngai gaw nang hpe gumshem nna jahten shabyak kung ai ni a lata hta ap kau na we ai.

MARKU 7:22

masha num shaw na, nammak lawhpa ai myit rawng na hte kaga n hkru n kaja ai lam amyu myu, masu hkalem ai, n shawp n kap re ai lam, n ju n dawng ai, shatan n hkan ai, gumrawng ai, myit n su ai lam ni hpe galaw shangun nga ai.

YAWHAN 8:21

Yesu shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam ti mung nanhte gaw tinang a yubak mara ni hta si mat na myit dai. Ngai wa ai shara de mung nanhte n du lu na myit dai,” ngu mu ai.

GALATI 6:8

Masha a hkum shan ngu ai ga hta gat hkai ai wa gaw si ai ngu ai hten byak ai nsi naisi hpe dan la na ra ai; Wenyi ngu ai ga hta gat hkai ai wa gaw htani htana asak ngu ai nsi naisi dan la na ra ai.

KOLOSE 2:22

Dai tara ni yawng hte gaw kalang mi jai lang ngut ai hpang akyu n rawng mat ai rai ni hte seng nga ai. Dai lam yawng hte gaw, masha e galaw shapraw ai tara hte sharin shaga ai lam ni sha rai nga ma ai.

2 PETRU 1:4

Ndai lam hku nna grai galu kaba nna hpu ging ai chyeju kumhpa hte seng ai ga sadi ni anhte hpe jaw da mani ai. Dai rai nna ndai chyeju ni a marang e anhte gaw mungkan ga na jahten shabyak shangun ai myit marin ai lam kaw nna lawt lu nna Karai a marai hpe shang lawm dagraw lu myit dai.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.