2 PETRU 2:1 - Jinghpaw Common Language Bible 2009

¹ Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

Jinghpaw Hanson Version Bible

¹ Rai timung, amyu masha ni hta e, masu ai myihtoi ni mung paw pru ma ai; dai hte maren, nanhte hta e mung, masu ai sara ni paw pru wa na mara ai rai nna, jahten shabya chye ai bra wa ai ga hpe, mayun jashawn la nna, shanhte hpe mari la sai Madu hpe nyet kau ai hte, tinang dai a ntsa e tsin-yam tsindam hpe, larau ladau du shangun na maru ai.

2 PETRU 2:1 ပူးပေါင်းရင်းမြစ်များ

1 HKAWHKAM 22:6

Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, “Ramot mare hpe ngai sa htim gasat ang na kun?,” ngu nna san yu wu ai. Shanhte mung, “Dai mare hpe htim gasat manu; dai Madu gaw nang hpe awng padang jaw na ra ai,” ngu nna htan mu ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

YEREMIA 29:21

Chyahtum Chyalai N-gun Rawng ai dai Madu Israela a Karai Kasang gaw shi a amying gang let masu hkalem ga hte nanhte hpe tsun nga ai Kolaia a kasha Ahab hte Masea a kasha Zedekia yan hte lakap nna tsun wu ai. Shi gaw Babelon Hkawhkam Nebuhkadneza a lata hta ap kau na ra ai hte nanhte a man e shanhte hpe sat kau na ra ai, nga nna dai Madu tsun ai.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

HOSEA 9:8

Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 10:33

Masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e ngai nyet kau na we ai.

MAHTE 24:11

Masu ai myihtoi law law mung paw pru nna, masha law law hpe lam shadam na mu ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 24:5

Masha law law wa nye a mying hte paw pru nna, ‘Ngai gaw Meshia rai nngai,’ nga nna law law hpe lam shadam na maru ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

MARKU 13:22

Hpa majaw nga yang, masu ai Meshia hte masu ai myihtoi ni paw pru na ra ai. Shanhte gaw Karai Kasang a lata la ai masha ni hpe pyi lam shadam lu yang shadam lu hkra lamik kumla ni hte mauhpa amu ni galaw dan na mara ai.

LUKA 12:9

Rai ti mung, masha ni a man e, ngai hpe nyet kau ai wa hpe chyawm gaw, Masha Kasha mung, Karai Kasang a lamu kasa ni a man e, shi hpe nyet kau na ra ai.

LUKA 21:8

Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

LUKA 6:26

Masha yawng mayawng nanhte hpe kaja ai ngu nna tsun myit yang, grai hkrithpa dingnye lu myit dai, hpa majaw nga yang, shanhte a kaji kawa ni mung myihtoi masu ni hpe dai hte maren tsun shakawn lai wa yu masai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

1 KORINHTU 11:19

(Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

1 KORINHTU 7:23

Nanhte hpe Karai Kasang gaw manu jahpu daw nna mari da sai majaw masha a mayam hkum tai myit.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

GALATI 4:17

Ngai hpe ninghkap ai ni gaw nanhte a ntsa e grai wa myit lawm bu nga ma ai; rai ti mung, teng man mai kaja ai hku yaw shada ai n rai. Shanhte a ra ai lam gaw shanhte a ntsa e nanhte a myit lawm ai lam hkam la lu hkra, nanhte hpe ngai hte jahka kau shangun mayu ai majaw rai nga ai.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 2:8

Hkristu a hkang da ai kaw na n re ai sha, shinggyim masha ni a matsun maroi ga hkan nna akyu n rawng ai myit sawn hpaji hku nna hkalem hkalau ai lam hte mung, lamu ganghkau n-gawn tawa hta nga ai nat hpara ni kaw na pru ai sharin shaga ai lam ni hte mung, kadai mung nanhte hpe mayam n shatai myit ga, sadi nga mu.

1 TIMOHTI 5:8

Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.

2 TIMOHTI 4:3

Masha ni gaw dai teng man nna ra n rawng ai sharin shaga ai lam hpe n madat n mara nna tinang a myit kayut ai hta hkan mat wa ai hte shanhte a myit hta kaya kayoi nga hkra madat la mayu ai lam ni hpe sharin ya na sara ni shanhte a matu grau grau law wa hkra tam lahkawn la ai aten du na ra ai.

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

TITU 3:10

Shai wa bra wa ai lam shabyin ai wa hpe n law htum lahkawng lang shadum jahprang sadi jaw ai hpang shi hte matut mahkai ai lam kaga hpa mung hkum galaw nu.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

1 YAWHAN 2:26

Nanhte hpe masu hkalem lam shadam na matu shakut nga ai ni a lam nanhte hpang de ka dat ni ai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

YUDA 1:18

Shanhte gaw, “Hpang jahtum nhtoi ni du ai shaloi e, nanhte hpe jahpoi asawng ai masha ni, Karai kata ai, tinang a hkum shan a ra marin ai lam hta hkan sa ai masha ni paw pru na mara ai,” nga nna nanhte hpe tsun dan manit dai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 3:8

Nang galaw nga ai amu hpe ngai chye nngai. Nang n-gun atsam loi mi sha rawng ti mung, nye a sharin shaga ai ga hpe nang hkan nang nna, nye a ntsa e sadi dung nit dai hpe ngai chye nga nngai. Na a man e kadai mung n la da lu ai chyinghka langai mi ngai hpaw malang da se ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.