2 PETRU 1:8 - Jinghpaw Common Language Bible 2009

⁸ Ndai hte gaw nanhte hta nga ra ai atsam marai ni rai nga ai; ndai lam ni nanhte hta n taw n tsang rawng nga ai rai yang gaw, anhte a Madu Yesu Hkristu hpe nanhte chye chyang ai hte asak hkrung ai lam hta kasang galang rai nna akyu byin shangun na marin dai.

Jinghpaw Hanson Version Bible

⁸ Kaning rai nme law, dai hte gaw nanhte hta e rawng nga nna, law htam wa myit yang gaw, anhte a Madu Yesu Hkristu a chye chyang ai lam hta, nanhte kaman lila rai nga ai hte asi nsi lu na myit dai, n rai.

2 PETRU 1:8 ပူးပေါင်းရင်းမြစ်များ

GA SHAGAWP 19:15

Lagawn nga u, yup pyaw nga u; rai ti mung, nang kawsi hpang gara hkrum na ra ai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 20:3

Bai jahpawt hkying jahku daram hta, gat hkan shi bai pru sa nna hpa n galaw ai kaman tsap nga ai masha ni hpe mu hkrup jang, shi gaw,

MAHTE 20:6

Ya, shana de hkying manga daram hta bai pru sa yang, naw tsap nga ai masha kaga ni hpe shi mu hkrup nna, ‘Nanhte hpa rai nme nang e shani tup kaman sha tsap nga myit ta?,’ ngu nna shanhte hpe san mu ai.

MAHTE 25:26

“Dai rai nna shi a madu gaw, ‘N kaja ai hte lagawn ai mayam e! n gat ai shara na ngai dan la ai hte, n ayai ai shara na ngai magawn la ai hpe nang chye nga ndai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 5:42

Rai ti mung nanhte kaning re ai masha ni rai nga myit dai hte nanhte hta Karai Kasang hpe tsaw ra ai myit n rawng nga malit dai hpe ngai chye nngai.

ROMA 12:11

Lagawn lamawn n re ai sha magam bungli hpe n-gun lapyin dat let shakut shaja galaw nga mu. Tup hkrak maju jung ai myit masin hte dai Madu a bungli hpe agalaw nga mu.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

2 KORINHTU 13:5

Nanhte gaw dai makam masham hta asak hkrung nga ai ni rai n rai mu chye lu na matu tinang hkum hpe san jep nna jeyang yu nga mu. Nanhte tsep kawp sum hkrum ai ni n rai myit yang gaw, Hkristu Yesu nanhte hta nga nga ai lam hpe nanhte teng sha chye lu na myit dai.

2 KORINHTU 8:2

Shanhte hkam lai wa sai tsin-yam tsindam ni hta shanhte n htum n ni dinglik hkrum ma ai; rai ti mung shanhte a kabu gara ai myit nachying kaba nga malu ai rai nna shanhte gaw grai matsan mayan re ai ni rai ma ti mung, shanhte a jaw ya ai lam hta shadawn shadang n nga ai tsaw ra shawang myit rawng nga ma ai.

2 KORINHTU 8:7

Nanhte gaw makam masham lam hta, mung sumtu hta, hpaji machye machyang lam hta, nanhte a karum mayu ai shawang myit hta, anhte hpe tsaw ra ai lam hta, nanhte hkum tsup law htam nga manit dai. Dai rai nna ndai tsaw ra shawang myit hte daw jau ai amu hta mung, nanhte ndaw nhta alu jaw na hpe anhte ra sharawng ga ai.

2 KORINHTU 9:14

Nanhte gaw nachying laklai ai Karai Kasang a chyeju hpe hkam sha lu manit dai majaw, shanhte gaw nanhte hpe grai tsaw ra ai myit hte nanhte a matu akyu hpyi ya na mara ra ai.

HPILIPI 1:9

Dai hta kaga nanhte gaw mai kaja ai hpe lata la lu nna, teng man ai machye machyang daw dan ginhka chye ai atsam marai hte hpring let tsaw ra myit hta grau grau kaba wa myit ga, nanhte a matu ngai akyu hpyi nngai.

HPILIPI 2:5

Hkristu Yesu hta rawng ai myit nan, nanhte hta mung rawng nga myit ga.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

1 HTESALONI 3:12

Nanhte shada da a ntsa e mung, masha yawng mayawng a ntsa e mung, nanhte tawn da ai tsaw ra myit gaw, nanhte a ntsa e anhte tawn da ai tsaw ra myit zawn grau grau galu kaba wa shangun na matu Karai Kasang nanhte hpe karum ya u ga law.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

1 TIMOHTI 5:13

Dai hta kaga shanhte gaw nta langai mi kaw nna langai mi hta shang chyai hkawm nna aten hpe kaman shama kau ai lam galaw chye wa ma ai. Dai hta grau n kaja ai lam gaw, shanhte n tsun ang ai lam ni hpe hkan tsun nna shatan n lem hkawm ai hte tinang hte n seng ai lam ni hta ginchya lawm chye ma ai.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

HPILEMON 1:6

Kam sham ai Hkristan ni rai nga ga ai nang hte anhte gaw Hkristu hta langai sha tai nna asak hkrung ai a marang e anhte hkam la lu ai shaman chyeju nlang hte hpe grau nna sung ai hku chye na myit hkawn lu na matu ngai akyu hpyi nngai.

HEBRE 6:12

Anhte gaw nanhte hpe lagawn ai ni n tai shangun mayu ga ai. Rai ti mung, kam sham ai hte myit galu kaba ai ni tai let Karai Kasang jaw ya sai sali wunli hkam la ai ni zawn nanhte hpe tai wa shangun mayu ga ai.

2 PETRU 1:2

Karai Kasang hte anhte a hkye hkrang la ai Yesu Hkristu hpe nanhte chye chyang ai a marang e nanhte gaw chyeju hte ngwi pyaw ai hpe hkum tsup hkra hkam la lu myit ga law.

2 PETRU 1:3

Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

2 PETRU 2:20

Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.