2 PETRU 1:19 - Jinghpaw Common Language Bible 2009

¹⁹ Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.

Jinghpaw Hanson Version Bible

¹⁹ Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.

2 PETRU 1:19 ပူးပေါင်းရင်းမြစ်များ

SHAKAWN KUNGDAWN 119:105

Na a mungga gaw ngai hpe lam woi ai pyengdin hte nye hkrun lam a matu, nhtoi rai nga ai.

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

ESAIA 14:12

O, htoi tu ai nhtoi gintawng, Jahpawt manap a kasha e, nang gaw sumsing lamu kaw nna di hkrat wa nit hka! Lai sai aten hta nang gaw masha amyu baw ni hpe gasat dang nga ndai, rai ti mung ya chyawm gaw ga de kabai jahkrat kau ai nang hkrum nga nit dai.

ESAIA 41:26

Nang jaw nga ndai ngu anhte chye lu hkra, ndai lam byin wa na re ngu nna nanhte kadai mahtang tau tsun da yu mtit ni? Dai hte seng ai ga hkum mi pyi nanhte hta na kadai mung n tsun nga ai; nang tsun ai lama mi hpe mung kadai n na yu ma ai!

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

ESAIA 9:2

Nsin kata hta hkawm nga ai amyu masha ni gaw nhtoi kaba hpe mu lu manu ai. Shanhte gaw si hkrung si htan mung na shingnip ni hta nga nga ma ai, rai ti mung ya chyawm gaw dai nhtoi shanhte a ntsa e htoi leng nga sai.

MAHTE 4:16

nsin kata e nga pra nga ai masha ni gaw, nhtoi kaba hpe mu lu na mara ai, si ai mung hte de a shingnip kata e nga pra nga ai ni a ntsa de nhtoi dawng pru na ra ai,” nga nna htawn tsun ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

KASA 17:11

Dai mare masha ni gaw Htesaloni masha ni hta grau myit su, myit dam lada ma ai rai nna Pawlu hkaw tsun ai mungga hpe grai shareng hkungga nna myit lawm ai hte madat la ma ai. Shanhte gaw Pawlu yan Sila hkaw tsun dan ai ga hte maren teng n teng chye lu hkra, Chyum Laika hpe shani shagu asawk hti yu nga ma ai.

HEBRE 2:2

Lamu kasa ni a n-gup hte anhte a ji wa ni hpe tsun da ai mungga gaw teng man ai tara rai nna, dai tara hpe n madat n mara tawt lai ai ni gaw tinang hte ging dan ai ari hkam la na ma ai lam teng yang gaw,

YAKU 2:8

Nanhte gaw, “Na a htingbu wa hpe na a hkum hte maren tsaw ra u,” nga nna chyum laika hta rawng ai sumsing lamu Mungdan a tara hpe madat mara myit yang gaw, nanhte mai kaja jaw ang ai hpe galaw nga myit dai.

1 PETRU 1:10

Ndai hkye hkrang la ai lam hte seng nna myihtoi ni gaw akri akrai sawk tam jep yu nhtawm, Karai Kasang nanhte hpe jaw na rai nga ai dai chyeju kumhpa a lam shanhte myihtoi htoi htawn tsun ma ai.

1 YAWHAN 5:10

Dai rai nna Karai Kasang a Kasha hpe kam sham ai wa kadai rai ti mung, ndai sakse hkam ai ga hpe shi a kraw lawang hta matsing da nga ai; rai ti mung Karai Kasang hpe n kam n sham ai wa kadai rai ti mung, Kasha a lam Karai Kasang hkam ya ai ga hpe n kam n sham ai majaw Karai Kasang hpe masu ya ai wa re ngu nna shadu wu ai.

3 YAWHAN 1:6

Shanhte gaw na a tsaw ra ai lam hpe ndai kaw sa sakse hkam tsun kajai nga ma ai. Shanhte Karai Kasang a amu gun ai ni rai nga ma ai rai nna, shawng de bai matut hkawm sa wa lu na matu chyeju hte shanhte hpe naw karum dat mu, dai gaw Karai Kasang hpe sharawng awng shangun ai lam rai na re.

SHINGRAN 2:28

Dai nhtoi gintawng hpe mung ngai shanhte hpe jaw na mawe ai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.