2 PETRU 1:17 - Jinghpaw Common Language Bible 2009

¹⁷ Shi hpe Kawa Karai Kasang kaw na arawng sadang hte hpung shingkang jaw ya ai shaloi mung grau htum ai hpung shingkang kata nna shi kaw du ai nsen, “Ndai wa gaw ngai sharawng awng nga ai, ngai tsaw ra ai, ngai sha rai nga li ai!,” nga nna tsun ai shaloi mung, anhte dai kaw shi hte rau nga ga ai.

Jinghpaw Hanson Version Bible

¹⁷ Shi gaw Kawa Karai Kasang kaw na, arawng sadang hte hpung shingkang hpe lu la wu ai shaloi, daru magam hpung shingkang kaw na ning nga ai nsen shi kaw dan pru nna, “Ndai wa gaw ngai sharawng awng nga ai, ngai tsawra ai ngai sha rai nga li ai,” ngu wu ai:

2 PETRU 1:17 ပူးပေါင်းရင်းမြစ်များ

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

MAHTE 12:18

“Ngai lata la ai, nye a shangun ma, ngai tsaw ra ai hte sharawng awng ai wa hpe yu mu. Nye a Wenyi shi a ntsa e ngai bang da ya nna, shi gaw nye a daw dan ai lam hpe masha amyu ni hpang de tsun dan na wu ai.

MAHTE 17:3

Dai hpang sape ni marai masum gaw, Mawshe yan Elia dan pru nna Yesu hte rau ga tsun nga ai hpe mu ma ai.

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 3:17

Dai hpang, “Ndai wa gaw ngai sharawng awng nga ai, ngai tsaw ra ai Kasha rai nga li ai,” nga nna lamu de na nsen ngoi pru wa ai.

MARKU 1:11

Lamu de na mung, “Nang gaw, nye a tsaw ra ai shadang sha rai nga ndai; nang hta ngai sharawng awng nga nngai,” nga nna nsen ngoi pru ai.

MARKU 9:7

Dai hpang sumwi majaw mi dan pru wa nna, de a shingnip hte shanhte hpe ka-up nhtawm, dai sumwi hta na, ndai wa gaw, ngai tsaw ra ai ngai sha rai nga ai, shi a ga hpe madat mara mu nga nna ngoi pru ai.

LUKA 10:22

“Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

LUKA 3:22

Dai Chyoi Pra ai Wenyi gaw hkrang dan dan shi a ntsa e hkrudu zawn yu hkrat wa nna, “Nang gaw nye a tsaw ra ai Kasha rai nga ndai; nang hta ngai sharawng awng nngai law,” nga nna lamu de na nsen du pru ai.

YAWHAN 10:15

nye a sagu ni hpe ngai chye nngai, nye a sagu ni mung ngai hpe chye ma ai; sagu ni a matu mung, nye a asak ngai nawng ya kau nngai.

YAWHAN 10:36

Ngai chyawm gaw, nye Wa ngai hpe lata la nna ndai mungkan de shangun dat ni ai. Dai rai yang, Ngai gaw Karai Kasang a Kasha rai nngai,’ nga nna tsun ai shaloi, ngai gaw Karai Kasang hpe shatan nhkan ai wa re, ngu nna nanhte gara hku tsun lu myit ta?

YAWHAN 14:11

Ngai gaw Wa hta nga nna, Wa mung ngai hta nga ai ngu nna ngai tsun ai hpe kam sham nga mu. Dai n rai yang gaw, ngai galaw dan ai amu ni hpe tau yu nna pyi kam sham nga mu.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 17:21

Shanhte nlang hte gaw langai sha tai nga mu ga, ngu nna ngai hpyi nngai. Wa e! Nang gaw ngai hta nga nga nna ngai mung nang hta nga nga nngai zawn, dai ni mung an hta nga nga mu ga, ngu nna ngai hpyi nga nngai. Ngai hpe nang shangun dat ndai gaw, mungkan ga na ni kam sham lu mu ga, shanhte hpe langai sha byin tai shangun u law.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 3:35

Kawa gaw Kasha hpe tsaw ra wu ai rai nna ahkang aya yawng mayawng shi a lata hta ap ya nu ai.

YAWHAN 5:20

Kawa gaw Kasha hpe tsaw ra wu ai rai nna, shi nan galaw nga ai amu yawng mayawng Kasha wa hpe madun wu ai, ndai amu ni hta grau kaba ai amu ni hpe pyi galaw na matu Kawa gaw Kasha hpe madun dan na ra ai rai nna, nanhte yawng mau mahka na marin dai.

YAWHAN 5:26

Kawa gaw shi hkum dai asak daju rai nga ai hte maren, shi gaw Kasha wa hpe mung asak daju shatai nu ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 6:39

Ngai hpe shangun dat ai wa a myit ra ai lam gaw, shi ngai hpe ap ya da sai yawng mayawng hte hta na langai mi mung n yet n mat ai sha, hpang jahtum na nhtoi hta si ai kaw na jahkrung sharawt la na lam nan rai nga ai.

ROMA 15:6

Shing rai yang she, nanhte yawng rau sha nsen langai sha hte anhte a Madu Yesu Hkristu a Kawa Karai Kasang a hpung shingkang hpe shakawn kungdawn lu na myit dai.

2 KORINHTU 1:3

Matsan dum chye ai kawa hte karum ai lam amyu myu a Karai Kasang, anhte a Madu Yesu Hkristu a Kawa Karai Kasang hpe anhte chyeju dum shakawn ga law.

2 KORINHTU 11:31

Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

2 YAWHAN 1:3

Kawa Karai Kasang kaw nna mung, dai Kawa a Kasha Yesu Hkristu kaw nna mung, dai chyeju hte, matsan dum ai hte ngwi pyaw ai lam gaw teng man ai lam hpe chye nna shada da tsaw ra nga ai anhte hte rau anga nga u ga law.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.