2 PETRU 1:16 - Jinghpaw Common Language Bible 2009

¹⁶ Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.

Jinghpaw Hanson Version Bible

¹⁶ Kaning rai nme law, anhte a Madu Yesu Hkristu a hpung atsam hte, du sa wa na ra ai lam, shi nanhte hpe shana dan ai shaloi e, hpaji maumwi ga hpe hkan let, anhte hkai ga ai n rai; anhte hkum nan shi a dan hkung ai hpung shingkang hpe tinang dai mu lu ai ni rai nga ga ai.

2 PETRU 1:16 ပူးပေါင်းရင်းမြစ်များ

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 17:1

Ya kru ya na jang, Yesu gaw Petru, Yaku hte shi a kanau Yawhan hte hpe shaga la nhtawm, tsaw ai bum ntsa e kaga lak shanhte hpe woi lung mu ai.

MAHTE 24:27

Hpa majaw nga yang, sinpraw maga kaw nna sinna maga du hkra lamu ting hpe htoi shangun ai myihprap gala ai zawn dai Masha Kasha du sa na ra ai.

MAHTE 24:3

Yesu gaw Tsanlun Bum ntsa e dung nga yang, shi a sape ni hkrai shi kaw sit sa nna, “Dai hte gaw galoi me byin wa na rai ta? Nang bai du na aten hte mungkan ga htum mat na aten hpe madun dan ai hku nna hpa baw lamik kumla ni byin pru wa na ra ta? Anhte hpe tsun dan mi,” ngu mu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MARKU 13:26

Dai shaloi e, Masha Kasha gaw daru magam hpung shingkang kaba hte sumwi ni hta e du sa ai hpe mu lu na mara ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw, daru magam hpung shingkang rawng ai wa a hkra maga de dung nga nna, lamu na sumwi ni hte du sa ai hpe, nanhte mu na marin dai,” ngu wu ai.

LUKA 1:2

Dai lam ni hpe shawng npawt kaw nna, tinang myi hte mu yu sai, dai Kabu Gara Shiga hkaw tsun ai ni tsun dan ai hte maren shanhte ka lajang da masai.

LUKA 9:43

Masha nga manga hte mung, Karai Kasang a daru magam n-gun a majaw mau mahka nga ma ai. Shing rai Yesu galaw ai lam mahkra a majaw, masha ni naw mau nga ma yang, shi gaw shi a sape ni hpe,

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

1 KORINHTU 1:17

Hpa majaw nga yang, Hkristu ngai hpe shangun dat ai gaw hka lup jaw na matu n rai. Dai Kabu Gara Shiga hkaw tsun dan na matu she, Hkristu gaw ngai hpe shangun dat ni ai: rai ti mung, Hkristu a wudang ntsa e si hkam ai lam a n-gun atsam gaw kaman lila n rai mat u ga, masha a n-gup hpaji atsam hpe n lang ai sha hkaw tsun dan nngai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 1:7

Dai re ai majaw, anhte a Madu Yesu Hkristu dan pru na ra ai hpe ala nga let nga nga yang, nanhte n hkam sha lu ai shaman chyeju ngu na langai mi pyi n nga ai sha yawng hkum dingnum hkam la lu na myit dai.

1 KORINHTU 2:1

Hpu nau ni e, Karai Kasang a makoi magap da ai teng man ai mungga hkaw tsun dan na matu ngai nanhte kaw sa du ai shaloi, reng ai ningtam ga kaba ni hte hpaji byeng-ya hte seng ai ga kaba ni hpe ngai n lang nngai.

1 KORINHTU 2:4

nye a tsun sharin shaga ai lam hte hkaw tsun ai mungga ni hpe masha a hpaji byeng-ya ladat hte seng ai ga ni hpe n lang ai sha, Karai Kasang a Wenyi atsam lawm ai ga ni hpe sha lang nngai.

1 KORINHTU 5:4

Anhte a Madu Yesu a mying nsang hta nanhte hpawng de nga myit dai shaloi e nye a wenyi nanhte hte rau rai nga ai, anhte a Madu Yesu Hkristu a n-gun atsam mung nanhte hta nga nga ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

1 HTESALONI 2:19

Anhte a Madu Yesu bai du sa ai shaloi, shi a man e kaga kadai n rai, nanhte hpe sha mahta nna anhte a myit mada shara, kabu gara shara hte awng dang ai lam a matu gumrawng na janmau rai nga ai.

2 HTESALONI 2:9

Dai N hkru Ai Wa gaw Satan a n-gun atsam hte du sa na ra ai rai nna masu ai lamik kumla amyu myu hte mauhpa amu ni hpe galaw dan na ra ai.

1 TIMOHTI 1:4

Kaja wa n mai byin ai matsun maroi maumwi ni ji woi ji wa ni a ginru ginsa sagawn ai lam hpe galu galang tsun gawn ai lam ni tawn kau na matu shanhte hpe tsun u. Dai lam ni gaw ga li ga law ndang kalang lam hpe sha shapraw nga ai rai nna dai makam masham hte sha chye lu ai Karai Kasang a shatawng shada da ai lam hpe n shabyin lu nga ai.

1 TIMOHTI 4:7

Rai ti mung, Karai Kasang hte n seng ai tsun na matu akyu n nga ai maumwi ga ni hpe koi kau nna, tinang a asak hkrung lam hpe tara hkungga ai lam hta shakung jahpan nga u.

TITU 1:14

Yuda ni a matsun maroi maumwi ni hpe manoi manat ai lam n galaw nga na hte dai teng man ai lam hpe n hkap la ai masha ni kaw na pru ai hkang da ai ga ni hpe kam hpa manoi ai ni naw n rai nga na matu mung, shanhte hpe nang aja awa daru sharin lu na rai ndai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

1 YAWHAN 4:14

Mungkan ga a hkye hkrang la ai Madu tai u ga, Kawa gaw dai Kasha hpe shangun dat wu ai lam anhte mu lu sagaw ai hte sakse hkam ga ai.

YUDA 1:14

Adam a prat kaw nna ading tawk yu hkrat wa ai prat sanit ngu na Enuk gaw moi chyaloi nhkoi kaw nna ndai masha ni a lam hpe, “Dai Madu gaw shi a chyoi pra ai lamu kasa mun mun sen sen hte du sa nna,

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!