2 PETRU 1:13 - Jinghpaw Common Language Bible 2009

¹³ Ngai asak naw hkrung nga ai ladaw hte yang, dai lam ni hte seng nna nanhte hpe sadi jaw shadum na gaw ngai galaw ang ai amu re ngu nna ngai myit la nngai.

Jinghpaw Hanson Version Bible

¹³ Dai hta kaga, ndai hkum tsawp hta e ngai naw anga nga yang, nanhte a dum hprang na myit hpe jasu ya na, sut nga ai hpe ngai myit da we ai;

2 PETRU 1:13 ပူးပေါင်းရင်းမြစ်များ

ESAIA 38:12

Sum run hpya kau hkrum ai zawn, Da lang kaw na sumpan rep la kau hkrum ai zawn, Nye a asak sumri dan kau hkrum ai hte htum mat nga sai. Karai Kasang gaw nye a asak hpe jahtum kau ya nga sai ngu, ngai myit nawn kau nngai.

HAGI 1:14

Dai Madu gaw masha shagu Nawku Htingnu amu galaw na matu Yuda mungdu Zerubabela; Hkinjawng Kaba Yawshu hte bawng dung ai kaw na nhtang wa sai amyu masha ni yawng hpe jasu ya wu ai. Shanhte gaw Chyahtum Chyalai N-gun rawng ai dai Madu shanhte a Karai Kasang a Nawku Htingnu hpe

2 KORINHTU 5:8

Anhte gaw nden marai hte hpring nga ga ai rai nna, hkum hkrang nta hpe kau da nna dai Madu hte rau nga nga na hpe grau nna ra sharawng nga ga ai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 3:10

Ngai gaw Hkristu hpe chye chyang na lam, shi a bai hkrung rawt wa ai n-gun atsam hpe mu hkrum hkam sha lu na lam, shi hte rau nni nkri hkam nna shi si hkam ai zawn si hkam na hpe sha ngai ra marit nga nngai.

2 TIMOHTI 1:6

Dai re ai majaw ngai nang hpe lata mara nna aya dang ya ai shaloi Karai Kasang kaw na nang hkam la sai chyeju kumhpa hpe ahkrung nga shangun na matu nang hpe ngai bai shadum dat de ai.

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

2 PETRU 1:12

Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.

2 PETRU 1:14

Anhte a Madu Yesu Hkristu ngai hpe asan sha tau tsun da sai hte maren, ndai si chye ai hkum hkrang hpe kade n na yang raw kabai kau na ra ai hpe ngai chye nga nngai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.