2 PETRU 1:12 - Jinghpaw Common Language Bible 2009

¹² Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.

Jinghpaw Hanson Version Bible

¹² Dai rai nna, nanhte dai hte hpe chye nga ai hte, ya rau rai nga ai tengman ai ga hta agrin nga myit timung, dai lam ni nanhte hpe shadum jahprang na, ngai tut tut naw atsang nga nngai.

2 PETRU 1:12 ပူးပေါင်းရင်းမြစ်များ

KASA 16:5

Shing rai hpung ni mung makam masham lam hta grau ngang kang wa ai hte hpung shang ai masha lani hte lani law htam wa ma ai.

HPILIPI 3:1

Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 1:6

Dai re ai majaw ngai nang hpe lata mara nna aya dang ya ai shaloi Karai Kasang kaw na nang hkam la sai chyeju kumhpa hpe ahkrung nga shangun na matu nang hpe ngai bai shadum dat de ai.

HEBRE 10:32

Lai wa sai nhtoi ni hta nanhte kaning re ai ni re ai hpe bai dum nga mu. Dai nhtoi ni hta Karai Kasang a nhtoi hpe hkam la lu ai hpang, tsin-yam tsindam law law hkrum sha lai wa manit dai; rai ti mung nanhte shakut sharang dating ai a majaw dai gaw nanhte hpe dang kau lu ai n rai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.

2 PETRU 1:13

Ngai asak naw hkrung nga ai ladaw hte yang, dai lam ni hte seng nna nanhte hpe sadi jaw shadum na gaw ngai galaw ang ai amu re ngu nna ngai myit la nngai.

2 PETRU 1:15

Dai re ai majaw, ngai si mat ai hpang ndai lam ni hpe nanhte galoi mung adum nga na matu ngai atsam htum hkra shakut na nngai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.

2 PETRU 3:17

Rai ti mung manang ni e, nanhte gaw ndai lam ni hpe chye nga chyalu rai nga manit dai. Dai re ai majaw nanhte gaw tara kata ai masha ni a shut ai lam de woi mat wa ai hta n lawm na hte, shim ai asak hkrung lam kaw na n hkrat sum mat na matu a maja nga mu.

1 YAWHAN 2:21

Nanhte hpang de ngai laika ka dat ai lam gaw, dai teng man ai ga hpe nanhte n chye ai majaw n rai; dai teng man ai ga hpe mung, masu ai ga gaw dai teng man ai ga hte hpa n seng nga ai hpe mung, nanhte chye nga myit dai majaw ka dat ai rai nga ai.

2 YAWHAN 1:2

Hpa majaw nga yang, dai teng man ai lam hta rawng nga nna anhte hte rau prat dingsa anga nga na ra ai majaw rai nga ai.

YUDA 1:17

Rai ti mung tsaw ra ai ni e, lai wa sai ten e anhte Madu Yesu Hkristu a kasa ni nanhte hpe tsun dan manit dai ga ni hpe adum nga mu.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

YUDA 1:5

Karai Kasang gaw Israela amyu masha ni hpe Egutu mung kaw na kalang mi gara hku shaw la sai hpang shi hpe n kam n sham ai ni hpe jahten shabya kau sai lam nanhte chye nga myit ti mung, nanhte hpe ngai bai shadum mayu nngai.