2 KORINHTU 9:8 - Jinghpaw Common Language Bible 2009

⁸ Karai Kasang gaw nanhte a ra kadawn ai hta jan hkra jaw lu nga ai. Shing rai nanhte tinang a matu ra ai lam magup lu la na rai nga ai hta kaga mai kaja ai magam bungli shagu a matu ra ai hta jan hkra lu la na rai myit dai.

Jinghpaw Hanson Version Bible

⁸ Dai hta kaga, Shi gat nu ai, matsan mayan ni hpe gam jaw nu ai: Shi a dinghpring ai gaw htani htana anga nga ai, nga nna ka da nga ai hte maren,

2 KORINHTU 9:8 ပူးပေါင်းရင်းမြစ်များ

2 HKAWHKAM LABAU 25:9

Amazia gaw myihtoi wa hpe, “Ataw, shanhte a matu gumhpraw jaw kau mase ai gaw kaning di na rai ta?,” ngu nna san wu ai. Myihtoi wa gaw, “Dai Madu gaw dai hta grau nna nang hpe nhtang jaw lu nga ai!,” ngu nna tsun htang wu ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

GA SHAGAWP 10:22

Dai Madu a shaman chyeju gaw nang hpe ngamu ngamai shangun nna, bungli shaja ai gaw na sut gan hpe yawn hkyen lam jat ya nga ai n rai.

GA SHAGAWP 11:24

Masha nkau mi shanhte a gumhpraw hpe ndut ndang jai lang kau ti mung, grau sut su wa nga ma ai; nkau mi sadi sahka let jai lang ti mung, grau matsan jat wa nga ma ai.

GA SHAGAWP 28:27

Matsan mayan wa hpe gam jaw u, shaloi nang galoi mung ra kadawn na rin dai n rai; matsan mayan wa hpe yu shalai kau ai rai yang chyawm gaw, masha law law wa, nang hpe dagam dala ga tsun na mara ai.

GA SHAGAWP 3:9

Na a lamu ga hta na pru ai sut gan yawng mayawng hta na kaja htum ai ni hpe hkungga shatai nna, dai Madu hpe shagrau sha-a u.

HAGI 2:8

Mungkan ga na ja gumhpraw mahkra nye a rai nga li ai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

KASA 9:36

Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

2 KORINHTU 13:3

Hkristu gaw ngai hta e ga shaga ai lam sakse ni hpe nanhte ra ai made mu lu na marin dai. Hkristu gaw nanhte hte matut mahkai amu galaw ai shaloi, shi gaw gawng kya nga ai n rai. De a malai shi a n-gun atsam hpe nanhte hta e madun dan na ra ai.

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

2 KORINHTU 8:2

Shanhte hkam lai wa sai tsin-yam tsindam ni hta shanhte n htum n ni dinglik hkrum ma ai; rai ti mung shanhte a kabu gara ai myit nachying kaba nga malu ai rai nna shanhte gaw grai matsan mayan re ai ni rai ma ti mung, shanhte a jaw ya ai lam hta shadawn shadang n nga ai tsaw ra shawang myit rawng nga ma ai.

2 KORINHTU 8:7

Nanhte gaw makam masham lam hta, mung sumtu hta, hpaji machye machyang lam hta, nanhte a karum mayu ai shawang myit hta, anhte hpe tsaw ra ai lam hta, nanhte hkum tsup law htam nga manit dai. Dai rai nna ndai tsaw ra shawang myit hte daw jau ai amu hta mung, nanhte ndaw nhta alu jaw na hpe anhte ra sharawng ga ai.

2 KORINHTU 9:11

Nanhte a lata hku nna shanhte hkap la lu ai nanhte jaw ya ai alu kumhpa ni a majaw masha law law wa Karai Kasang a chyeju hpe shakawn na mara ai. Nanhte aten shagu shawang kumhpa ndaw nhta jaw ya lu hkra Madu gaw nanhte hpe galoi mung sut su shangun na ra ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

EHPESU 3:20

Anhte a myit masin hta shi a n- gun atsam hte amu galaw nga ai, anhte hpyi chye ai shing n rai myit yaw shada ai hta pyi grau lai hkra galaw shabyin jaw ya lu ai. Karai Kasang gaw dai hpung a marang e mung,

HPILIPI 4:11

Shing nga nna ngai tsun nngai gaw nanhte ngai hpe ra kadawn mat hkra n yu, n gawn mat manit dai ngu nna myit hta hkam sha ai majaw tsun nga nngai n rai. Hpa majaw nga yang ngai gaw tinang hta lu ai mi hte myit dik let nga chye na lam hpe sharin la tawn ni ai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

2 TIMOHTI 2:21

Marai langai ngai gaw tsun lai wa sai n hkru n kaja ai lam ni yawng hta na tinang hkum hpe jasan kau ai rai yang, shi gaw Madu a lak san shatawng shada ai lam ni hta jai lang ai hkam la na ra ai; hpa majaw nga yang shi gaw, mai kaja ai amu shagu hpe galaw na jin jin rai nga u ga shi Madu a matu akyu rawng lam la ai hta ap nawng da sai wa rai nga ai.

2 TIMOHTI 3:17

Dai rai nna Karai Kasang a magam gun hpai ai wa gaw mai kaja ai magam bungli shagu hpe galaw na matu atsam hpring nna lang ra ai hking rai ni hte hkrak shajin da sai wa rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.