2 KORINHTU 9:5 - Jinghpaw Common Language Bible 2009

⁵ Dai re ai majaw, nanhte shawang kumhpa ga sadi jaw da sai hte maren, dai hpe hkyen lajang shajin da na matu ndai hpu nau ni hpe nanhte hpang de nye a shawng e tau hkrau shangun dat ra nga ai ngu nna ngai myit nngai. Ngai du sa ai shaloi alu shajin shangut da chyalu rai nna nanhte a jaw ya ai gaw jaw ra ai lit shaprai ai hku n re ai sha jaw mayu ai shawang myit hte jaw ya ai re ai lam madun dan lu na rai nga ai.

Jinghpaw Hanson Version Bible

⁵ Dai re ai majaw, dai alu gaw kashun kashe la ai zawn n re ai sha, chyeju alu zawn jin magang nga u ga she, hpunau ni gaw nanhte hpang de sa magang nna, shawng na ndat da ai, nanhte a chyeju alu hpe shagum tawn myit ga, ngu nna shanhte hpe shadut jahkat na lam ngai dum nngai.

2 KORINHTU 9:5 ပူးပေါင်းရင်းမြစ်များ

NINGPAWT NINGHPANG 33:11

Na a matu ngu nna ngai la wa ya ai ndai kumhpa hpe chyeju hte hkap la ya e; Karai Kasang mung ngai hpe matsan dum la nna, ngai hta ra ai lam magup hpe jaw ya ni ai,” ngu nna tsun wu ai. Yaku mung shi hkap la ai aten du hkra a shadut nga wu ai.

2 HKAWHKAM 5:15

Shi gaw shi a masha ni yawng hte Elisha hpang de nhtang wa nhtawm, “Ya chyawm gaw Israela Karai Kasang hta lai nna kaga karai n nga nga ai hpe ngai chye ni ai: dai re ai majaw madu e, chyeju hte ngai kaw na kumhpaw kumhpa hkap la ya e,” ngu nna tsun wu ai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

2 KORINHTU 8:6

Dai re ai majaw shawng kaw nna lit la galaw nga sai Titu hpe ndai alu hte seng nna nanhte a laksan tsaw ra shawang myit hte daw jau ai amu ngut kre hkra nanhte hpe karum u ga, anhte shi hpe shadut gaw ai.

2 KORINHTU 9:3

Ndai lam hte seng nna nanhte hta anhte a gumrawng ai lam gaw, ga kaman n tai mat u ga, ndai hpu nau ni hpe nanhte hpang de shangun dat nngai. Dai re ai majaw ngai tsun sai hte maren, nanhte a shawang alu hpe jin jin lajang da na rai myit dai.

2 KORINHTU 9:6

Nli loi sha mi gat ai wa gaw nsi naisi loi sha mi dan la lu na ra ai, nli law law gat ai wa gaw law law shu la lu na ra ai hpe nanhte myit dum sadi nga mu.

HPILIPI 4:17

Ning ngu nna ngai tsun nngai gaw, kumhpaw kumhpa ni hpe ngai ra marin nna n rai; nanhte galaw daw ai magam bungli a asi, amyat jahpan hta jat galu kaba wa na hpe sha ngai ra sharawng nngai.

TARA AGYI 1:15

Dai numsha gaw, “Hka hpawk pru ai shara nkau mi ra nngai, nang ngai hpe jaw ai lamu ga mahtang hkun hkraw ai ga rai nga ai,” ngu nna htan wu ai. Dai rai nna Hkaleb gaw shi hpe lawu lahta hka hpawk ni jaw wu ai.

1 SAMUELA 25:27

Madu e, chyeju hte na a matu ngai la sa ya ai ndai kumhpa ni hpe hkap la ya e; ndai ni na a masha ni hpe jaw u.

1 SAMUELA 30:26

Dawi gaw Ziklag mare de nhtang wa ai shaloi, “Dai Madu a gumlau hpyen ni kaw na anhte la wa ai lanep ni hta na ndai gaw nanhte a matu san san jaw ya ai kumhpa rai nga ai,” ngu nna shi a manaw manang ni hpe mung, Yuda ningbaw ni hpe mung dai lanep daw chyen mi hte hpawn shi a mungga hte htet shabra dat wu ai.