2 KORINHTU 9:4 - Jinghpaw Common Language Bible 2009

⁴ Dai n rai yang, Makedoni masha nkau mi ngai hte rau hkan nang sa nna nanhte n jin nga mala ai hpe mu hkrup ma yang, nanhte chyu sha kaya hkrum na n rai, anhte mung nanhte hpe grai myit kam tawn da sai hte maren, gade sha kaya hkrum na rai nga a hka!

Jinghpaw Hanson Version Bible

⁴ shing n rai, Makedoni masha nkau mi ngai hte rau sa nna nanhte n jin nga mala ai hpe mu hkrup yang, nanhte kaya kahpa hkrum na ngai n tsun ai sha, anhte mung dai kamsham shara hta kaya kahpa hkrum na ra ga ai.

2 KORINHTU 9:4 ပူးပေါင်းရင်းမြစ်များ

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

2 KORINHTU 11:17

Teng sha nga yang, ya ngai tsun gumrawng nga ai lam gaw Karai Kasang tsun shangun mayu ai lam n rai nga ai; ndai tsun gumrawng ai lam hta ngai gaw kaja wa angawk ai wa langai mi zawn ngai tsun nga nngai.

2 KORINHTU 8:24

Dai majaw nanhte hte seng nna anhte arawng la nna gumrawng ai lam gaw teng nga ai lam hpung ni yawng hkrak chye lu mu ga, shanhte hpe nanhte a tsaw ra myit madun dan mu.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

HPILEMON 1:19

Ngai Pawlu gaw dai hka wa na ngu nna nye a lata hte nan ka dat nngai. (Rai ti mung nang hkum nan pyi Hkristu a majaw lu la ai asak hkrung lam ningnan a matu ngai hpe hka wa ra nga ndai ngu nna tsun shapraw dan ra na zawn n shadu nngai.)