2 KORINHTU 9:2 - Jinghpaw Common Language Bible 2009

² Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

Jinghpaw Hanson Version Bible

² Kaning rai nme law nanhte a galaw mayu ai myit ngai chye nna, de a lam nanhte a jaw e gumrawng let, Ahkaia mung na ni maning kaw nna lajang jin nga masai, ngu nna Makedoni masha ni hpe tsun nngai: nanhte a sharawng ai myit mung, dai malaw maga hpe shadum sha-awn nga ai.

2 KORINHTU 9:2 ပူးပေါင်းရင်းမြစ်များ

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

1 KORINHTU 16:15

Nanhte gaw Stehpan hte shi a nta masha ni a lam chye nga myit dai; shanhte gaw Ahkaia mung na shawng nnan Hkristan tai wa ai ni rai nga ma ai hte Karai Kasang a masha ni hpe galaw daw na matu, shanhte dai ap nawng da sai ni rai nga ma ai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

2 KORINHTU 7:4

Ngai gaw nanhte hpe nachying kam kaba nga nngai; nanhte a matu mara ngai grai gumrawng nga nngai! Yak hkak tsin-yam tsindam amyu myu hkrum hkra rai ti mung, ngai hta nden marai hpring tsup nga ai hta n-ga, ngai hta kabu gara ai lam mung hpring kabrat nga li ai.

2 KORINHTU 8:10

Ndai alu jaw ai lam hte seng nna ngai myit ai hku nga yang, lai wa sai shaning hta nanhte galaw hpang da sai amu hpe ya galaw shakre yang nanhte a matu mai kaja na re. Nanhte gaw shawang myit hte jaw mayu ai myit shawng rawng ai ni sha n rai, alu shawng jaw ya ai ni rai nga myit dai.

2 KORINHTU 8:11

Dai re ai majaw, dai bungli hpe matut galaw nna shangut shakre kau mu! Nanhte gaw dai amu hpe maw mawn sa wa ai hta myit rawt sharawng awng ai hte maren, nanhte lu lawm ai hta hkan nna myit rawt let galaw shangut mu.

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

2 KORINHTU 8:24

Dai majaw nanhte hte seng nna anhte arawng la nna gumrawng ai lam gaw teng nga ai lam hpung ni yawng hkrak chye lu mu ga, shanhte hpe nanhte a tsaw ra myit madun dan mu.

2 KORINHTU 8:8

Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.

1 HTESALONI 1:7

Dai re ai majaw nanhte gaw, Makedoni mung hte Ahkaia mung na kam sham ai masha ni a man e kasi kamang langai mi tai wa manit dai.

HEBRE 10:24

Anhte gaw anhte shada da karum shingtau hkat na matu, shada da tsaw ra myit madun hkat let, mai kaja ai lam galaw na matu shada da myit tau myit htang hkat nga ga.