2 KORINHTU 9:10 - Jinghpaw Common Language Bible 2009

¹⁰ Nli gat ai wa hpe nli jaw nna malu masha shabyin ya nga ai Karai Kasang gaw nanhte hta ra ai nli law hkra hpe mung, jaw ya ai hta n ga, dai nli hpe kaba wa shangun nna nsi naisi law law si wa shangun nga ai. Dai gaw nanhte a ndaw nhta jaw ya ai shawang myit hta na nsi naisi hpe ngu ai rai nga ai.

Jinghpaw Hanson Version Bible

¹⁰ Nli gat ai wa hpe nli mung, sha na matu shahpa mung shapraw ya ai wa gaw, nanhte a gat na nli hpe shapraw nna shalaw jahtam na hte, nanhte a dinghpring ai a asi hpe law wa shangun na ru ai.

2 KORINHTU 9:10 ပူးပေါင်းရင်းမြစ်များ

NINGPAWT NINGHPANG 47:19

Anhte hpe hkum si shangun mi! Lama mi sha gaw lajang ya mi! Anhte a sun hkauna ni hpe hkum jahkam da shangun mi. Lusha hte galai na matu anhte a hkum hte lamu ga ni hpe mari la mu. Anhte mahtang hkawhkam a mayam ni tai nna shi mung anhte a lamu ga ni hpe madu la lu na ra ai. Anhte ahkrung nga lu na matu, anhte hpe nai mam jaw mi, anhte a sun hkauna ni hta gat na nli mung jaw mi,” ngu nna tsun ma ai.

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

HPAJI NINGLI 11:6

Na a nli hpe jahpawt manap e gat u; shana de mung gat u. Dai ni yawng atsawm sha tu ai kun? Shara mi hte shara mi gat da ai shara hta gara mahtang grau kaja ai kun? Nang galoi mung n chye ndai.

ESAIA 55:10

Nye a mungga gaw ginding aga hpe hka jaw na matu lamu kaw na htu hkrat ai ahkyen hte marang zawn rai nga ai. Dai ni gaw nsi naisi ni hpe tu shangun nna gat hkai na matu nli hte sha na lusha shapraw ya nga ai.

HOSEA 10:12

Ngai gaw, “Nanhte a matu lamu ga ningnan shawt nhtawm ding hpring ai hpe hkai mu. Ngai hpe kam sham nna shapraw ya na ra ai chyeju ni hpe shu la mu. Nanhte a Madu rai nga ai Ngai kaw kayin wa na nanhte a matu aten rai nga ai. Ngai sa nna nanhte a ntsa e shaman chyeju ru jaw na made ai.

MAHTE 6:1

Nanhte hpa galaw ai hpe masha ni mada mu lu mu ga, shawa a man e sha nanhte a nawku htung hte seng nna galaw daw ra ai amu ni hpe n galaw myit ga, sadi nga mu; shing n rai yang gaw, sumsing lamu hta nga ai nanhte a Kawa kaw na hpa shabrai mung nanhte n lu na myit dai.

2 KORINHTU 9:12

Hpa majaw nga yang ndai nanhte galaw ai daw jau ai amu gaw, Karai Kasang a masha ni a ra kadawn nga ai hpe shatup ya lu ai hta n ga, Karai Kasang a chyeju dum shakawn ai nsen hpring kabrat wa nga ai.

2 KORINHTU 9:6

Nli loi sha mi gat ai wa gaw nsi naisi loi sha mi dan la lu na ra ai, nli law law gat ai wa gaw law law shu la lu na ra ai hpe nanhte myit dum sadi nga mu.

GALATI 3:5

Karai Kasang gaw nanhte hpe dai wenyi nanhte a ntsa e shayu ya nna mauhpa lamik kumla ni hpe madun dan ai gaw dai jep ai Tara hpe hkan shadik ai majaw rai ni? Shing n rai, dai Kabu Gara Shiga hpe nanhte na la nna kam sham ai majaw shabyin ya ai rai ni?

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 4:17

Ning ngu nna ngai tsun nngai gaw, kumhpaw kumhpa ni hpe ngai ra marin nna n rai; nanhte galaw daw ai magam bungli a asi, amyat jahpan hta jat galu kaba wa na hpe sha ngai ra sharawng nngai.

1 HTESALONI 3:12

Nanhte shada da a ntsa e mung, masha yawng mayawng a ntsa e mung, nanhte tawn da ai tsaw ra myit gaw, nanhte a ntsa e anhte tawn da ai tsaw ra myit zawn grau grau galu kaba wa shangun na matu Karai Kasang nanhte hpe karum ya u ga law.

1 HTESALONI 4:10

Kaja wa nga yang, nanhte gaw Makedoni mung ting na Hkristan hpu nau ni yawng hpe dai hku tsaw ra ai lam hkan sa nga manit dai. Dai re ai majaw, hpu nau ni e, nanhte a tsaw ra myit grau kaba wa na matu nanhte hpe anhte hpyi nem nga ai.