2 KORINHTU 8:9 - Jinghpaw Common Language Bible 2009

⁹ Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

Jinghpaw Hanson Version Bible

⁹ kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

2 KORINHTU 8:9 ပူးပေါင်းရင်းမြစ်များ

ESAIA 53:2

Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.

ESAIA 62:1

Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

ESAIA 65:8

Dai Madu gaw, “Kadai mung kaja ai sabyi si ni hpe n jahten ma ai, shing di na malai, shanhte gaw dai ni hte sabyi ntsin galaw ma ai. Ngai gaw nye a amyu masha ni yawng hpe jahten kau na n rai-ngai hpe daw jau ai ni hpe ngai hkye hkrang la na nngai.

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

MARKU 6:3

Shi gaw Mari a kasha laksama wa rai nga ai hte Yaku, Yosep, Yuda, Simun ni a kahpu shi rai nga ai n rai ni? Shi a kajan ni mung anhte hte rau nang e nga nga ma ai n rai ni?,” nga nna san ma ai. Shing rai shanhte shi a lam myit kataw nna shi hpe n hkap la ma ai.

LUKA 16:11

Mungkan hte seng ai sutgan hpe lang ai lam hta pyi, nanhte kangka n rai lu myit yang gaw, teng man ai sutgan majing hpe, nanhte hpe kaning di ap ya lu na i?

LUKA 2:7

Shi gaw shadang sha alat shangai nu ai: nbat hte kayawp nhtawm ushat wakang hta kaleng tawn da wu ai; kaning rai nme law, manam jarawp hta shanhte a matu nga shara n nga malu ai.

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

LUKA 9:58

Yesu gaw, “Chyahkyawn ni nhkun lu ma ai, ntsa malen pyen ai u ni mung, utsip ni lu ma ai; rai ti mung, dai Masha Kasha chyawm gaw, baw tawn na shara pyi n lu nga ai,” ngu nna shi hpe tsun wu ai.

YAWHAN 1:10

Mungga gaw mungkan ga e nga nga ai hte, Karai Kasang gaw mungkan ga hpe dai Mungga hku nna hpan da nu ai; rai ti mung mungkan ga mahtang dai Mungga hpe n chye wu ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 12:30

Yesu gaw, “Nsen ndai ngoi pru ai gaw, nye a matu n rai, nanhte a matu mara rai nga ai.

YAWHAN 16:15

Nye Wa lu malu gaw ngai lu ai rai nga ai; dai majaw, dai Wenyi gaw ngai kaw na lu la nna nanhte hpe tsun shana ya na mara ai, ngu nna ngai tsun ni ai.

YAWHAN 17:19

Shanhte gaw magam gun na matu tinang hkum hpe kaja wa shachyoi shapra ap nawng da ai ni byin wa mu ga, ngu nna ngai shanhte a matu mara nye hkum dai shachyoi shapra ap nawng tawn da se ai.

ROMA 11:12

Yuda masha ni a tawt lai ai yubak mara gaw, mungkan masha ni a matu law la ai chyeju kumhpa shabyin ya ai hte, shanhte a wenyi hta matsan chyaren hkrum ai gaw maigan masha ni a matu law la ai chyeju kumhpa shabyin ya nga yang gaw Yuda masha ni hkum hkum tsup tsup dai hkye hkrang la ai chyeju hta shalawm la ai hkrum yang gaw gade wa grau kaba la ai chyeju kumhpa byin tai na rai nga a hka!

ROMA 15:3

Hkristu mung shi hkum dai n shapyaw la ai sha Chyum Laika hta, “Nang hpe shatan nhkan tsun ai ga ni nye a ntsa e du ra ai,” nga nna ka da nga ai hte maren masha ni a shatan nhkan ai hpe hkam wu ai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

1 KORINHTU 1:4

Ngai gaw, nanhte hpe Hkristu Yesu a marang e Karai Kasang nanhte hpe jaw ya ai shaman chyeju ni a matu tut nawng e nye a Karai Kasang hpe chyeju dum shakawn nga nngai.

1 KORINHTU 15:47

Shawng na masha Adam gaw ga hte hpan da ai rai nna, dinghta ga na rai nga ai; hpang na Adam chyawm gaw sumsing lamu na du sa ai rai nga ai.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

EHPESU 2:7

Shi ning rai galaw ai lam gaw Hkristu Yesu hta anhte hpe tsaw ra myit madun ai hta Madu a chyeju gaw laklai nna galu kaba nga ai lam htawm hpang prat dingsa e masha ni mu chye lu na matu rai nga ai.

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.