2 KORINHTU 8:8 - Jinghpaw Common Language Bible 2009

⁸ Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.

Jinghpaw Hanson Version Bible

⁸ Ning nga tsun ai gaw htet da ai ga tsun nngai n re ai sha, kaga ni a shakut sharang ai hpe tau yu nna nanhte a tsawra ai myit majing hpe chyam yu na she, tsun nga nngai.

2 KORINHTU 8:8 ပူးပေါင်းရင်းမြစ်များ

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

1 KORINHTU 7:12

Dai Madu hkang da ai ga n rai hkra rai ti mung, kaga masha ni hpe ngai hkang da mayu ai lam gaw: Hkristan la langai mi gaw, n kam n sham ai madu jan lu dam ti mung, dai numsha shi hte rau nga nga mayu a yang gaw, shi hpe n jahka kau u ga.

1 KORINHTU 7:25

Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

1 KORINHTU 7:6

Ning ngu nna ngai tsun ai gaw, nanhte hpe jep hkang da nngai n rai, shayawm nna ahkang jaw ai lam sha rai nga ai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

2 KORINHTU 8:10

Ndai alu jaw ai lam hte seng nna ngai myit ai hku nga yang, lai wa sai shaning hta nanhte galaw hpang da sai amu hpe ya galaw shakre yang nanhte a matu mai kaja na re. Nanhte gaw shawang myit hte jaw mayu ai myit shawng rawng ai ni sha n rai, alu shawng jaw ya ai ni rai nga myit dai.

2 KORINHTU 8:24

Dai majaw nanhte hte seng nna anhte arawng la nna gumrawng ai lam gaw teng nga ai lam hpung ni yawng hkrak chye lu mu ga, shanhte hpe nanhte a tsaw ra myit madun dan mu.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

EHPESU 4:15

Shing rai na malai, tsaw ra ai myit hte teng man ai ga hpe tsun nga ga yang Hkristu ngu ai baw hte lam shagu hta kaba rawt wa na ga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HEBRE 10:24

Anhte gaw anhte shada da karum shingtau hkat na matu, shada da tsaw ra myit madun hkat let, mai kaja ai lam galaw na matu shada da myit tau myit htang hkat nga ga.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.