2 KORINHTU 8:5 - Jinghpaw Common Language Bible 2009

⁵ Shanhte gaw anhte myit mada ai hta grau lai hkra jaw ya ma ai. Shanhte gaw shawng nnan tinang a hkum nan hpe dai Madu hta sak nawng ma ai. Dai hpang Madu a myit ra ai lam hte maren, karum shingtau ai lam hta ap nawng ya mi ai.

Jinghpaw Hanson Version Bible

⁵ anhte myit nawn ai hku n re ai sha, Karai Kasang a myit hkan yang, tinang hkum nan dai Madu hpe shawng jaw kau nna, anhte hpe mung jaw kau mi ai.

2 KORINHTU 8:5 ပူးပေါင်းရင်းမြစ်များ

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

2 HKAWHKAM LABAU 30:12

Hkawhkam wa hte shi a du salang ni hkang dat ai ga hta hkan let, shi a myit ra hkan lu hkra nga, Karai Kasang mung Yuda mung hta amu galaw ai hte amyu masha ni hpe shanhte daw dan ai hte maren myit hkrum shinggyin da wu ai.

2 HKAWHKAM LABAU 30:8

Shanhte zawn myit hkum ja nga myit; dai Madu a ga hpe madat mara nga mu. Dai Madu nanhte a Karai Kasang gaw htani htana a matu shachyoi shapra da ai Yerusalem mare na Nawku Htingnu de sa nhtawm shi hpe nawku mu, shaloi shi nanhte hpe galoi mung pawt bu na ra ai n rai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

1 KORINHTU 1:1

Karai Kasang a myit ra ai hte maren, Hkristu Yesu a Kasa aya hta dang da hkrum ai ngai Pawlu hte anhte a hpu nau wa Sosteni gaw,

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

2 KORINHTU 8:1

Tsaw ra ai hpu nau ni e, Makedoni mung na hpung ni hpe Karai Kasang gaw hpa baw chyeju jaw sai ngu ai lam nanhte hpe anhte chye shangun mayu ga ai.

1 SAMUELA 1:28

Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.