2 KORINHTU 8:24 - Jinghpaw Common Language Bible 2009

²⁴ Dai majaw nanhte hte seng nna anhte arawng la nna gumrawng ai lam gaw teng nga ai lam hpung ni yawng hkrak chye lu mu ga, shanhte hpe nanhte a tsaw ra myit madun dan mu.

Jinghpaw Hanson Version Bible

²⁴ Dai re ai majaw, nanhte a tsawra ai myit hte, nanhte a jaw e anhte a gumrawng nga ai sakse, Hpung ni a man e shanhte hpe shadan dan nga mu.

2 KORINHTU 8:24 ပူးပေါင်းရင်းမြစ်များ

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

2 KORINHTU 7:4

Ngai gaw nanhte hpe nachying kam kaba nga nngai; nanhte a matu mara ngai grai gumrawng nga nngai! Yak hkak tsin-yam tsindam amyu myu hkrum hkra rai ti mung, ngai hta nden marai hpring tsup nga ai hta n-ga, ngai hta kabu gara ai lam mung hpring kabrat nga li ai.

2 KORINHTU 8:8

Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.