2 KORINHTU 8:23 - Jinghpaw Common Language Bible 2009

²³ Titu hte seng nna tsun ga nga yang, shi gaw nye a shingdep shingtau rai nna nanhte hpe karum na matu ngai hte rau amu jawm galaw ai wa rai nga ai; shi hte rau hkan nang sa wa ai kaga hpu nau yan gaw hpung ni a kasa ni rai nna, Hkristu a hpung shingkang dan hkung shangun ai yan mung rai nga ma ai.

Jinghpaw Hanson Version Bible

²³ Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

2 KORINHTU 8:23 ပူးပေါင်းရင်းမြစ်များ

LUKA 5:10

Dai hte maren, Simun a manang ni rai nga ai, Zebedi a kasha Yaku yan Yawhan mung mau mat ma ai. Shaloi Yesu gaw, Simun hpe, “Hkum hkrit et, ya kaw nna nang masha ni hpe hkan hkwi na rin dai,” ngu wu ai.

LUKA 5:7

Dai majaw li kaga hta nga ai manang ni hpe, sa karum la na dingsi shaga mu ai. Shanhte mung sa ma ai rai nna, dai li lahkawng yan lup wa magang hkra, bang jahpring mu ai.

YAWHAN 13:16

Ngai nanhte hpe kaja wa teng teng tsun made ga, mayam gaw shi a madu hta grau kaba ai n rai, kasa mung shi e shangun dat ai wa hta grau kaba ai n rai.

1 KORINHTU 11:7

Lasha chyawm gaw Karai Kasang a hkrang bung sumla hte hpung shingkang nsam shapraw ai wa rai nga ai majaw baw magap na n sut nga ai. Numsha mahtang gaw lasha a hpung shingkang nsam shapraw nga ai.

2 KORINHTU 12:18

Ngai gaw Titu hpe nanhte hpang de sa na matu hpyi lajin nna shangun dat nngai. Kaga Hkristan hpu nau langai mi mung shi hte rau hkan nang sa ai. Titu gaw nanhte a ntsa e ahkaw ahkang la nna sen di sha ai ngu na kun? Shi hte ngai gaw maw mawn ai myit mang lam langai sha hta hpawm hkrum nna lam masa langai hta sha hkan sa galaw ai ni n rai ga ni?

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

2 KORINHTU 8:16

Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

2 KORINHTU 8:18

Dai kabu gara shiga hkaw tsun ai amu gun hpai ai lam hta hpung ni yawng e kam kaba da ai hpu nau wa langai mi hpe mung, anhte shi hte rau shangun dat ga ai.

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

2 KORINHTU 8:22

Dai re ai majaw anhte gaw dai hpu nau yan hte rau kaga Hkristan hpu nau langai mi hpe mung shangun dat ga ai. Dai wa hpe anhte law law lang chyam yu yang, shi gaw galoi mung sharawng awng ai hte karum chye ai wa rai nga ai hpe mu lu ga ai. Ya shi gaw nanhte a ntsa e kam kaba ai myit grai wa rawng nga ai rai nna, karum mayu ai shawang myit grau nna katu nga lu ai.

2 KORINHTU 8:6

Dai re ai majaw shawng kaw nna lit la galaw nga sai Titu hpe ndai alu hte seng nna nanhte a laksan tsaw ra shawang myit hte daw jau ai amu ngut kre hkra nanhte hpe karum u ga, anhte shi hpe shadut gaw ai.

HPILIPI 2:25

Bai nanhte a hpu nau wa, shingdep shingtau wa hte rau sha gasat gala ai hpyen ma manang wa, ngai hpe karum na matu nanhte shangun dat nna gawn lajang ai wa Epahprodi hpe nanhte hpang de bai shangun dat na re ai ngu nna ngai nawn nngai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

KOLOSE 1:7

Nanhte gaw Karai Kasang a chyeju lam hpe anhte a tsaw ra ai shingdep shingtau wa Epahpra kaw nna sharin la manit dai; shi gaw anhte a malai Hkristu a kangka re ai magam gun hpai ai wa rai nga ai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.

HPILEMON 1:17

Dai re ai majaw, nang ngai hpe na a rau rum kanawn manang zawn nawn ndai rai yang gaw, ngai hpe zawn shi hpe hkap hkalum la u.

HPILEMON 1:24

Dai hte maren nye a shingdep shingtau ni rai nga ai Marku, Aristarku, Dema hte Luka mung, nang hpe shakram dat ma ai.

3 YAWHAN 1:8

Dai re ai majaw, dai teng man ai magam bungli hta shanhte hte mu gun shingdep shingtau tai lu u ga, anhte Hkristan ni gaw ndai masha ni hpe karum madi shadaw ra ga ai.