2 KORINHTU 8:20 - Jinghpaw Common Language Bible 2009

²⁰ Ndai sharawng shara jaw ya ai shawang kumhpa hpe jum lang ai lam hta kadai mung anhte hpe mara shagun shara n nga u ga sadi nga ga ai.

Jinghpaw Hanson Version Bible

²⁰ anhte a lata hte galaw daw ai, ndai alu kaba lahkawn ai hta, kadai mung anhte hpe mara shagun shara n nga u ga, sadi nga ga ai;

2 KORINHTU 8:20 ပူးပေါင်းရင်းမြစ်များ

2 HKAWHKAM 12:15

Bungli woi hpareng ai masha ni gaw myit ding nga ma ai rai nna shanhte kaw na jahpan n hpyi la ra nga ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

ROMA 14:16

Nanhte kaja ai ngu nna myit sawn la ai lam gaw masha ni a matu jahpoi asawng shatan nhkan hkum hkrum shangun u ga.

1 KORINHTU 16:3

Ngai sa du ai shaloi, htet shana shachyen dat ya ai laika ka nna, nanhte lata san da ai ni hpe dai alu gumhpraw Yerusalem de sa sa na, ngai shagun dat na mawe ai.

2 KORINHTU 11:12

Anhte galaw ai hte maren shanhte mung galaw ga ai nga nna kaga “Kasa ni” tsun gumrawng na ahkang n lu mu ga, ya ngai galaw ai hte maren matut nna ngai naw agalaw nga na nngai.

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

2 KORINHTU 8:21

Dai Madu a man e sha n rai, masha a man e mung, teng man htap htuk ai amu galaw na gaw anhte a yaw shada ai lam nan rai nga mali ai.

EHPESU 5:15

Dai re majaw nanhte gara hku sak hkrung hkawm sa nga myit dai gaw atsawm sha yu nga mu. Hpaji n rawng ai angawk angak masha ni zawn n re ai sha, hpaji rawng ai masha ni zawn hkawm nga mu.

1 HTESALONI 5:22

n hkru n kaja ai lam shagu hpe koi yen kau mu.