2 KORINHTU 8:18 - Jinghpaw Common Language Bible 2009

¹⁸ Dai kabu gara shiga hkaw tsun ai amu gun hpai ai lam hta hpung ni yawng e kam kaba da ai hpu nau wa langai mi hpe mung, anhte shi hte rau shangun dat ga ai.

Jinghpaw Hanson Version Bible

¹⁸ Dai kabu gara shiga nhkan e Hpung ni yawng hta shakawn hkrum ai hpunau wa hpe mung, anhte shi hte rau shangun dat ga ai;

2 KORINHTU 8:18 ပူးပေါင်းရင်းမြစ်များ

ROMA 16:4

Shan gaw nye a asak a matu tinang a du baw shatawng kau nna magam gun hpai ai yan rai nna ngai hkrai sha n rai, Yuda amyu masha n re ai ni a hpung ni yawng mung, shan hpe chyeju dum shakawn ga ai.

1 KORINHTU 16:3

Ngai sa du ai shaloi, htet shana shachyen dat ya ai laika ka nna, nanhte lata san da ai ni hpe dai alu gumhpraw Yerusalem de sa sa na, ngai shagun dat na mawe ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

1 KORINHTU 7:17

Masha langai hte langai gaw, shi hpe Karai Kasang garan jaw ai chyeju kumhpa hte maren, Karai Kasang shaga lata la ai ten hta nga ai mabyin masa hte maren matut nna asak hkrung nga u ga. Ndai gaw hpung shagu hpe ngai hkaw tsun sharin shaga ai tara lam rai nga ai.

2 KORINHTU 12:18

Ngai gaw Titu hpe nanhte hpang de sa na matu hpyi lajin nna shangun dat nngai. Kaga Hkristan hpu nau langai mi mung shi hte rau hkan nang sa ai. Titu gaw nanhte a ntsa e ahkaw ahkang la nna sen di sha ai ngu na kun? Shi hte ngai gaw maw mawn ai myit mang lam langai sha hta hpawm hkrum nna lam masa langai hta sha hkan sa galaw ai ni n rai ga ni?

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.