2 KORINHTU 8:16 - Jinghpaw Common Language Bible 2009

¹⁶ Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

Jinghpaw Hanson Version Bible

¹⁶ Dai hta kaga, Titu a kraw lawang e, nanhte a matu mara dai zawn tsang ai myit nan jaw da ai Karai Kasang gaw, a nga u ga.

2 KORINHTU 8:16 ပူးပေါင်းရင်းမြစ်များ

2 HKAWHKAM LABAU 31:8

Hkawhkam Hezekia hte shi a du salang ni gaw kade daram sa jaw da nga masai sumpum hpe sa mu jang, dai Madu hte Israela masha ni hpe shanhte shakawn kungdawn ma ai.

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

NEHEMIA 2:12

Ngai gaw Yerusalem a matu galaw na amu Karai Kasang ngai hpe kaning rai shatsam da sai lam kadai hpe mung n tsun dan nngai. Dai hpang ngai gaw shana yup tung e rawt nna, ngai hte rau nye a manaw manang nkau mi hpe woi nna pru mat wa nngai. Ngai jawn ai lawze hpe chyu sha anhte woi mat wa ga ai.

YEREMIA 31:31

Dai Madu gaw, “Israela hte Yuda amyu masha ni hte ngai ga shaka ningnan tawn da ai aten gaw du wa na ra ai.

YEREMIA 32:40

Ngai gaw shanhte hpe htani htana prat dingsa na ga shaka tawn da na nngai. Shanhte a matu mai kaja ai amu galaw nga ai hpe ngai galoi mung jahkring kau na n rai. Ngai gaw shanhte hpe shanhte a myit masin mahkra hte ngai hpe hkrit hkungga shangun na nngai, shanhte gaw ngai kaw nna galoi mung n kayin mat wa lu na mara ai.

2 KORINHTU 7:12

Dai rai nna, ngai dai laika hpe ka dat hkra rai ti mung, shut hpyit ai wa a majaw mung n rai, shut hpyit hkam ai wa a majaw mung n rai, Karai Kasang a man e nanhte anhte hpe kaja wa gade daram tsaw ra myit dum marit nga myit dai hpe shadan shaleng chye shangun mayu ai majaw ka dat ai rai nga ai.

2 KORINHTU 7:7

Titu du sa ai majaw sha n rai, shi hpe nanhte gara hku hkap n-gun jaw la ai lam shana dan mi ai majaw mung, anhte myit pyaw ai lam hkam la lu ga ai. Dai hta n ga, nanhte gaw ngai hte mu hkrum na matu gade marit nga ai lam, nanhte gade yawn madai nga ai lam, ngai hpe makawp maga la na matu gade shajin da sai lam anhte hpe tsun dan mi ai majaw mung, ngai ya grau na pyi kabu gara myit pyaw nga nngai.

2 KORINHTU 8:23

Titu hte seng nna tsun ga nga yang, shi gaw nye a shingdep shingtau rai nna nanhte hpe karum na matu ngai hte rau amu jawm galaw ai wa rai nga ai; shi hte rau hkan nang sa wa ai kaga hpu nau yan gaw hpung ni a kasa ni rai nna, Hkristu a hpung shingkang dan hkung shangun ai yan mung rai nga ma ai.

2 KORINHTU 8:6

Dai re ai majaw shawng kaw nna lit la galaw nga sai Titu hpe ndai alu hte seng nna nanhte a laksan tsaw ra shawang myit hte daw jau ai amu ngut kre hkra nanhte hpe karum u ga, anhte shi hpe shadut gaw ai.

HPILIPI 2:20

Timohti shi langai mi sha ngai hte myit bung nna shi zawn nanhte a lam hpe htep lahti myit tsang ai masha kaga langai mi mung n nga sai.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

SHINGRAN 17:17

Hpa majaw nga yang, shanhte gaw Karai Kasang a mungga dik wa ai nhtoi du hkra, shanhte up hkang na ahkang aya, dai matse labye hpe myit hkrum ai hte ap ya mu ga nga, Karai Kasang gaw shanhte a kraw lawang hta shi a yaw shada ai lam hkan galaw na myit bang ya mu ai.