2 KORINHTU 8:10 - Jinghpaw Common Language Bible 2009

¹⁰ Ndai alu jaw ai lam hte seng nna ngai myit ai hku nga yang, lai wa sai shaning hta nanhte galaw hpang da sai amu hpe ya galaw shakre yang nanhte a matu mai kaja na re. Nanhte gaw shawang myit hte jaw mayu ai myit shawng rawng ai ni sha n rai, alu shawng jaw ya ai ni rai nga myit dai.

Jinghpaw Hanson Version Bible

¹⁰ Ndai lam hta nye a mung sumtu ngai madun nga nngai: kaning rai nme law, maning nna pyi galaw hpang ai hta n-ga, galaw mayu ai myit shawng madun ai ni, nanhte rai nga myit dai majaw, dai gaw nanhte a matu sut nga malit dai.

2 KORINHTU 8:10 ပူးပေါင်းရင်းမြစ်များ

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

YAWHAN 11:50

Amyu ting jahten kau ai n hkrum hkra, ndai amyu a matu masha langai mi si hkam yang gaw, anhte a matu grau mai nga ai hpe nanhte n myit yu myit ni?,” ngu nna tsun mu ai.

YAWHAN 16:7

Rai ti mung ngai nanhte hpe teng man ai lam tsun made ga, ngai wa ai gaw nanhte a matu grau nna kaja nga ai; hpa majaw nga yang, ngai n wa yang gaw, dai Shalan Shabran ai hte Karum Ai Wa nanhte kaw du sa na n rai; ngai wa jang gaw, ngai shi hpe nanhte hpang de shangun dat na we ai.

YAWHAN 18:14

Dai Kayahpa gaw, “Amyu masha ni yawng a matu masha langai mi si yang grau mai ai,” nga nna hpaji daw ya ai wa rai nga ai.

1 KORINHTU 10:23

“Shanhte gaw, Anhte hpa rai ti mung galaw lu na ahkang lu ga ai,” nga nna shanhte tsun ma ai. Dai gaw teng nga ai, rai ti mung galaw ai amu yawng mayawng hte wa mai kaja ai n rai. Anhte gaw yawng mayawng galaw na ahkang lu ga ai, rai ti mung yawng mayawng wa shadaw shagrin lu ai n rai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

1 KORINHTU 6:12

Nanhte hta na marai langai ngai, “Ngai gaw hpa hpe rai ti mung galaw na ahkang lu nngai,” nga nna tsun na re. Nanhte tsun ai hte maren teng nga ai, rai ti mung, yawng mayawng hte wa akyu byin ai n rai. Ngai gaw yawng mayawng galaw na ahkang lu nngai ngu nna ngai tsun lu nngai, rai ti mung ngai galaw ai hpa baw hpe mung ngai hpe de a mayam shatai shangun na nngai n rai.

1 KORINHTU 7:25

Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

1 KORINHTU 7:40

Rai ti mung dai numsha gaw dinghku bai n shang ai sha nga lu a yang gaw shi grau pyaw ai hte a lu ai lam rai na ra ai. Ndai gaw nye a myit sawn jeyang jahkrat ai lam rai nga ai; ngai mung Karai Kasang a Wenyi hkam la lu ai, Wenyi rawng ai wa re ai ngu nna myit kam nngai law.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

2 KORINHTU 8:6

Dai re ai majaw shawng kaw nna lit la galaw nga sai Titu hpe ndai alu hte seng nna nanhte a laksan tsaw ra shawang myit hte daw jau ai amu ngut kre hkra nanhte hpe karum u ga, anhte shi hpe shadut gaw ai.

2 KORINHTU 8:8

Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

HPILIPI 4:17

Ning ngu nna ngai tsun nngai gaw, kumhpaw kumhpa ni hpe ngai ra marin nna n rai; nanhte galaw daw ai magam bungli a asi, amyat jahpan hta jat galu kaba wa na hpe sha ngai ra sharawng nngai.

HEBRE 13:16

Mai kaja ai amu galaw na nanhte shada da karum shingtau hkat na lam hpe hkum malap kau myit, hpa majaw nga yang, shing re ai hkungga ni gaw Karai Kasang hpe sharawng awng shangun nga ai.