2 KORINHTU 8:1 - Jinghpaw Common Language Bible 2009

¹ Tsaw ra ai hpu nau ni e, Makedoni mung na hpung ni hpe Karai Kasang gaw hpa baw chyeju jaw sai ngu ai lam nanhte hpe anhte chye shangun mayu ga ai.

Jinghpaw Hanson Version Bible

¹ Dai hta kaga, hpunau ni e, Makedoni mung na hpung ni hpe Karai Kasang jaw dat ai chyeju a lam, anhte nanhte hpe shana dat ga ai:

2 KORINHTU 8:1 ပူးပေါင်းရင်းမြစ်များ

MAHTE 25:22

“Dai hpang joi lahkawng lu ai wa mung sa du nna, ‘Madu e, gumhpraw joi lahkawng nang ngai hpe ap ya da ndai. Yu u! kaga joi lahkawng ngai myat la lu nngai!,’ ngu wu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 11:9

Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

2 KORINHTU 9:12

Hpa majaw nga yang ndai nanhte galaw ai daw jau ai amu gaw, Karai Kasang a masha ni a ra kadawn nga ai hpe shatup ya lu ai hta n ga, Karai Kasang a chyeju dum shakawn ai nsen hpring kabrat wa nga ai.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

2 KORINHTU 9:4

Dai n rai yang, Makedoni masha nkau mi ngai hte rau hkan nang sa nna nanhte n jin nga mala ai hpe mu hkrup ma yang, nanhte chyu sha kaya hkrum na n rai, anhte mung nanhte hpe grai myit kam tawn da sai hte maren, gade sha kaya hkrum na rai nga a hka!

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

1 HTESALONI 4:10

Kaja wa nga yang, nanhte gaw Makedoni mung ting na Hkristan hpu nau ni yawng hpe dai hku tsaw ra ai lam hkan sa nga manit dai. Dai re ai majaw, hpu nau ni e, nanhte a tsaw ra myit grau kaba wa na matu nanhte hpe anhte hpyi nem nga ai.