2 KORINHTU 7:9 - Jinghpaw Common Language Bible 2009

⁹ Rai ti mung ya chyawm gaw ngai kabu nga nngai-dai gaw ngai nanhte hpe yawn shangun ai majaw n rai, nanhte a myit yawn ai lam gaw, nanhte hpe shawng de na asak hkrung ai lam ni kaw na myit malai lu galai shai shangun sai majaw, rai nga ai. Karai Kasang gaw dai myit yawn ai lam hpe jai lang nga ai rai nna, anhte gaw nanhte hpe machyi hkrum shangun ai lam hpa mung n shabyin saga ai.

Jinghpaw Hanson Version Bible

⁹ ya chyawm gaw ngai kabu nga nngai. Nanhte hpe myit shayawn ai majaw n rai, myit malai hkra shayawn made ai majaw, ngai kabu nga nngai; anhte a lata hte nanhte hpa sum mat ai mung n hkrum myit ga, Karai Kasang ra ai hte maren shayawn ai hkrum myit dai.

2 KORINHTU 7:9 ပူးပေါင်းရင်းမြစ်များ

SHAKAWN KUNGDAWN 38:18

Nye a yubak ni hpe ngai yin la nga nngai, dai gaw ngai hpe myit ru myit tsang lam jahpring ya nga ai.

HPAJI NINGLI 7:3

Yawn hkyen ai gaw mani ai wa hta grau kaja nga ai; dai gaw na a myi man hpe n tsawm shangun ti mung chye na hkawn hkrang ai na a nyan hpe sam shangun nga ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 3:8

Dai majaw, nanhte a yubak mara ni kaw na myit malai lu nna kayin wa sai lam nanhte a arawn alai hte madun dan mu!

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 15:7

Dai hte maren, ngai nanhte hpe tsun made ga, myit malai lu shara n nga dum ai hkungga ging ai masha jahku shi jahku a majaw kabu gara ai hta, myit malai lu ai yubak kap ai wa langai mi a majaw, sumsing lamu kata e, grau nna kabu gara rai na ra ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

2 KORINHTU 7:8

Lama rai nna nye a shagun dat ai laika hte nanhte hpe myit yawn shangun yang pyi gaw dai laika ka hkrup ai hpe ngai n shut dum nngai. Rai ti mung dai laika gaw tawng marang mi nanhte hpe shayawn nga ai lam hpe ngai dum nna yawn ai lam gaw nga lai wa sai.