2 KORINHTU 7:6 - Jinghpaw Common Language Bible 2009

⁶ Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

Jinghpaw Hanson Version Bible

⁶ Rai timung, myit gyip ai ni hpe shangwi shapyaw ai Karai Kasang gaw, Titu du sa ai hte e anhte hpe shangwi shapyaw mi ai.

2 KORINHTU 7:6 ပူးပေါင်းရင်းမြစ်များ

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 57:18

“Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.

YEREMIA 31:13

Dai hpang, numsha ni gaw ka manawt ai hte kabu gara na mara ai, lasha kaji kaba ni gaw kabu gara na mara ai. Ngai gaw shanhte hpe shalan shabran ai hte shanhte a sharung shayawt ai hpe kabu gara lam shatai ya na nngai, shanhte a yawn hkyen ai hpe kabu pyaw shangun na nngai.

MAHTE 5:4

“Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

YAWHAN 14:16

Wa kaw ngai hpyi na we ai rai nna, shi mung, nanhte hte prat tup rau nga na ra ai; Shing rai nanhte hpe karum na wa langai mi hpe jaw ya na ra ai.

ROMA 15:5

Nanhte nga manga hte gaw Hkristu Yesu a kasi ningli hpe hkan nna nanhte shada da myit mang langai sha rai nga lu u ga, hkam sharang ai atsam hte myit shatsam ya ai lam jaw ya nga ai Karai Kasang gaw nanhte hpe woi awn nga u ga law.

2 KORINHTU 7:13

Shing rai dan leng wa sai majaw, anhte grai myit n-gun lu la ga ai. Anhte gaw myit n-gun lu la ga ai hta n ga, grai kabu gara ga ai. Hpa majaw nga yang, nanhte yawng gaw Titu hpe kabu shangun myit dai rai nna, shi a kabu gara ai hpe anhte mu lu ai majaw rai nga ai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

2 KORINHTU 7:7

Titu du sa ai majaw sha n rai, shi hpe nanhte gara hku hkap n-gun jaw la ai lam shana dan mi ai majaw mung, anhte myit pyaw ai lam hkam la lu ga ai. Dai hta n ga, nanhte gaw ngai hte mu hkrum na matu gade marit nga ai lam, nanhte gade yawn madai nga ai lam, ngai hpe makawp maga la na matu gade shajin da sai lam anhte hpe tsun dan mi ai majaw mung, ngai ya grau na pyi kabu gara myit pyaw nga nngai.

HPILIPI 2:1

Nanhte gaw Hkristu hte rau asak hkrung ai a marang e n-gun lagaw hpring wa myit dai hte shi a tsaw ra myit gaw nanhte hpe shalan shabran ai lam jaw myit dai. Dai hta n-ga Wenyi a kanawn mazum lu ai lam hte shada da n-gaw nwai matsan dum ai lam hkam la nga myit dai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.