2 KORINHTU 7:5 - Jinghpaw Common Language Bible 2009

⁵ Makedoni mung de anhte du sa ai shaloi pyi gaw anhte hta sim sa ai lam n lu la ga ai. Shara shagu hta ru yak tsin-yam tsindam ni, kaga masha ni hte ga li ga law ai lam ni nga nga ai. Anhte a myit kata hta mung hkrit tsang ai lam ni amyu myu hkrum ga ai.

Jinghpaw Hanson Version Bible

⁵ Kaning rai nme law, Makedoni mung de du yang pyi anhte a hkum shan hta n ngwi n pyaw rai nga ai hte, lam shagu hta tsin-yam tsindam hkrum nga ga ai; shinggan maga de gasat gala, kata maga de hkrit kang ai pra nga ga ai.

2 KORINHTU 7:5 ပူးပေါင်းရင်းမြစ်များ

NINGPAWT NINGHPANG 8:9

rai ti mung, hka gaw ga ntsa ting hta naw ing nga ai rai nna, hkrudu shi dung sa na shara n mu wu ai. Dai u mung sanghpaw li de bai nhtang wa ai. Noa mung lata ladawn nna hkrudu hpe hkap jum la nhtawm sanghpaw li kata de jashawn la wu ai.

YOBA 18:11

Shanhte a grup grup mahkra hta hkrit hpa lam ala nga ai; dai gaw shanhte a lahkam shagu hta hkan nang nga ai.

ESAIA 33:12

Nanhte gaw ju ai namhtun nlung ni hte dap tai mat hkra hkru ai ju hpun ni zawn mani mat na marin dai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

YEREMIA 45:3

nang gaw, ‘Ngai asum jaw ni ai! Dai Madu gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

YEREMIA 6:25

Anhte a gumlau hpyen ni laknak hpai ma ai, hkrit hpa kajawng kaja gaw anhte yawng hte hpe wang shinggrup da mi ai majaw, mare shinggan de mung anhte n gwi pru ga ai, nmaw lam hkan e mung n hkawm sa gwi nga saga ai,” ngu nna tsun ma ai.

YEREMIA 8:18

Nye a yawn hkyen ai gaw shamai shatsai lu na n rai; Ngai gaw myit masin hta machyi nga nngai.

KASA 20:1

Ya dai kabring kabrawng lam sim mat ai hpang Pawlu gaw kam sham ai sape ni hpe shaga la nna, shanhte hpe n-gun jaw ai ga ni tsun ngut jang shakram da nhtawm Makedoni mung de sa wa na pru wa ai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

1 KORINHTU 15:31

Hpu nau ni e ngai gaw shani shagu si hkrung si htan hte hkrum kadup nga nngai! Ngai ndai zawn tsun lu ai gaw dai Madu hta nanhte a jaw e ngai kabu gumrawng nga ai majaw re.

1 KORINHTU 16:5

Makedoni mung hku ga sa wa nhtawm, ngai nanhte kaw sa du na ring ngai; hpa majaw nga yang, ngai Makedoni mung hku ga shang sa wa ra nngai.

2 KORINHTU 2:13

Rai ti mung anhte a hpu nau wa Titu hte ngai n hkrum lu ai majaw ngai nachying myit ru myit tsang rai nga nngai. Dai majaw dai kaw na masha ni hpe shakram kau da nna Makedoni mung de sa wa nngai.

2 KORINHTU 2:3

Ngai hpe kabu shangun na ni nan, ngai hpe myit n pyaw ai lam n shabyin u ga ngai nanhte hpang de n sa mayu mat nngai. Dai majaw ngai laika dat hpe ka dat ai re. Hpa majaw nga yang, ngai kabu gara yang nanhte nlang hte mung kabu gara shajang na hpe ngai myit kam nngai.

2 KORINHTU 2:9

Shawng e ngai nanhte hpang de laika ka dat ai lam gaw, chyam dinglik ai lam hpe nanhte gade daram hkam jan lu myit dai hte, nye a sharin shaga matsun madun ai lam ni hpe madat mara hkan sa na matu galoi mung jin nga chyalu rai nga ai kun? ngu ai hpe chye na matu ka dat nngai.

GALATI 4:11

Ngai gaw nanhte kaw kaman lila sha shakut kau nga ai nhten? ngu nna nanhte a lam ngai myit tsang nga nngai.

TARA JAHPRANG 32:25

Hpyen majan gaw nmaw lam ni hta si hkrung si htan shabyin nna; hkrit kajawng hpa gaw dum nta ni hta adup hkra na ra ai. Mahkawn hte shabrang ni si htum mat nna; chyu chyu ai ma chyangai ni hte dingla baw hpraw ni pyi lawt lu na mara ai n rai.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!