2 KORINHTU 7:15 - Jinghpaw Common Language Bible 2009

¹⁵ Shi a sharin shaga ai lam ni hpe nanhte madat mara na matu jin nga myit dai hpe mung, hkrit gari ai hte shi hpe nanhte hkap tau hkalum la myit dai hpe mung, shi myit dum nga ma ai majaw, nanhte hpe tsaw ra ai shi a shawang myit gaw grau nna galu kaba n-gun ja wa nga lu ai.

Jinghpaw Hanson Version Bible

¹⁵ Nanhte nlang a madat mara ai myit hte, hkrit nna gari let shi hpe hkap hkalum la myit dai hpe adum nga ai majaw, shi nanhte hpe tsawra ai shawang amyit gaw, nachying galu kaba nga lu ai.

2 KORINHTU 7:15 ပူးပေါင်းရင်းမြစ်များ

NINGPAWT NINGHPANG 43:30

Dai hpang Yosep gaw shi a myit masin hta n-gaw n wai ai myit hpring nga lu ai majaw akajawng sha pru mat wa wu ai. Shi gaw sharai n lu gawng run wu ai rai nna, shi a gawk kata de shang hkrap nga ai.

1 HKAWHKAM 3:26

Kanu majing mahtang gaw shi a kasha a majaw shi a myit masin hta tsaw ra myit hpring nga wu ai rai nna hkawhkam wa hpe, “Madu hkawhkam e, chyeju hte ma hpe hkum sat kau et! Shi hpe mahtang ma dai hpe jaw kau nu!,” ngu nna tsun wu ai. Rai ti mung kaga numsha mahtang, “An hta na kadai hpe mung hkum jaw sa. Ma dai hpe lahkawng brang di kahtam di kau sanu,” ngu nna tsun wu ai.

EZRA 10:9

Masum ya laman ngu na shata jahku a hkun ya shani e, Yuda hte Benyamin lamu ga hta nga nga ai lasha ni yawng Yerusalem mare de sa nna, Nawku Htingnu a dam lada ai ndaw yang e zup hpawng ma ai. Shaloi, du hkra ladaw a majaw marang ja ja htu nga ai rai nna ahkyak ai zuphpawng hta shang lawm nga ai masha shagu hte wa gari ashun nga ma ai.

EZRA 9:4

Bawng dung ai kaw nna bai nhtang wa sai ni hpe yubak hte seng nna Israela a Karai Kasang tsun nu ai ga hpe hkrit kahpra nga ma ai majaw, nye a grup grup de sa shinggyin hpawng nga ma ai rai nna shagu hkungga nat nawng na shana de du hkra, dai yang e yawn let ngai dung nga nngai.

YOBA 21:6

Ngai hta hpa byin lai mat wa sai lam hpe ngai myit yu ai shaloi, ngai mahtang htwi kadawng ai hkrum nna, hkrit gari ai hte ashun nga nngai.

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

SHAKAWN KUNGDAWN 2:11

Dai Madu hpe hkrit hkungga ai hte daw jau mu;

Shawlumon A Mahkawn Ga 5:4

Nye a tsaw ra wa gaw shi a lata hte chyinghka jum da nga ai; shi ani sha nga ai majaw nye a masin htuk htak mat nngai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

KASA 16:29

Shaloi htawng agyi wa pyengdin hpyi lang nna kata de gat bang wa nhtawm hkrit gari let Pawlu yan Sila a lagaw nhpang e dingnyawm nga ai.

1 KORINHTU 2:3

Dai rai nna, ngai nanhte kaw sa du nga ai ten hte ting hta gawng kya ai hte hkrit gari let,

2 KORINHTU 2:9

Shawng e ngai nanhte hpang de laika ka dat ai lam gaw, chyam dinglik ai lam hpe nanhte gade daram hkam jan lu myit dai hte, nye a sharin shaga matsun madun ai lam ni hpe madat mara hkan sa na matu galoi mung jin nga chyalu rai nga ai kun? ngu ai hpe chye na matu ka dat nngai.

2 KORINHTU 6:12

Nanhte mahtang she anhte a tsaw ra myit hpe nanhte kaw n du hkra pat da myit dai.

EHPESU 6:5

Mayam ni e, nanhte Hkristu hpe daw jau nga ai zawn, nanhte a shinggyim madu ni hpe madat mara let hkrit kamyin ai hte myit malang nna myit su ai hku galaw mu.

HPILIPI 1:8

Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

2 HTESALONI 3:14

Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit.

1 YAWHAN 3:17

Sut gan lu su ai wa rai nga da nhtawm, shi a hpu nau wa matsan mayan ra kadawn nga ai hpe mu ninglen, shi a matsan dum ai myit masin hpe pat kau wu yang gaw, shi gaw Karai Kasang hpe tsaw ra ai ngu nna kaning rai tsun lu na a ta?