2 KORINHTU 7:13 - Jinghpaw Common Language Bible 2009

¹³ Shing rai dan leng wa sai majaw, anhte grai myit n-gun lu la ga ai. Anhte gaw myit n-gun lu la ga ai hta n ga, grai kabu gara ga ai. Hpa majaw nga yang, nanhte yawng gaw Titu hpe kabu shangun myit dai rai nna, shi a kabu gara ai hpe anhte mu lu ai majaw rai nga ai.

Jinghpaw Hanson Version Bible

¹³ Dai lam hta e anhte shangwi shapyaw ai hkam ga ai. Anhte a shangwi shapyaw ai hkam lu ga ai hta n-ga, Titu a kabu gara ai lam majaw grau nna kabu gara nga ga ai; kaning rai nme law, nanhte nlang a majaw shi a wenyi kabu awng nga ai.

2 KORINHTU 7:13 ပူးပေါင်းရင်းမြစ်များ

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

ROMA 15:32

Dai rai nna Karai Kasang a myit ra ai lam rai yang gaw ngai kabu gara ai hte nanhte hpang de du nna nanhte hte rau ngwi pyaw ai hku n-gun awai hkring sa la na ahkang lu na re.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

1 KORINHTU 16:18

Shanhte gaw nanhte a myit hpe shangwi shapyaw ai zawn, nye a myit hpe mung shangwi shapyaw ya mi ai. Shing re ai masha ni gaw, masat masa galaw ai lam hkam la ging nga ma ai.

2 KORINHTU 2:13

Rai ti mung anhte a hpu nau wa Titu hte ngai n hkrum lu ai majaw ngai nachying myit ru myit tsang rai nga nngai. Dai majaw dai kaw na masha ni hpe shakram kau da nna Makedoni mung de sa wa nngai.

2 KORINHTU 2:3

Ngai hpe kabu shangun na ni nan, ngai hpe myit n pyaw ai lam n shabyin u ga ngai nanhte hpang de n sa mayu mat nngai. Dai majaw ngai laika dat hpe ka dat ai re. Hpa majaw nga yang, ngai kabu gara yang nanhte nlang hte mung kabu gara shajang na hpe ngai myit kam nngai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

2 KORINHTU 7:15

Shi a sharin shaga ai lam ni hpe nanhte madat mara na matu jin nga myit dai hpe mung, hkrit gari ai hte shi hpe nanhte hkap tau hkalum la myit dai hpe mung, shi myit dum nga ma ai majaw, nanhte hpe tsaw ra ai shi a shawang myit gaw grau nna galu kaba n-gun ja wa nga lu ai.

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

HPILIPI 2:28

Dai re ai majaw, nanhte shi hpe bai mu hkrum lu nna kabu lu myit ga hte nye a yawn hkyen ai mung mat mat wa u ga, shi hpe nanhte hpang de dat dat na ngai grau nna myit katu bu nga nngai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

HPILEMON 1:20

Dai re ai majaw nye a hpu nau wa e, dai Madu a myi man hpe tau nna chyeju hte ndai ngai hpyi nem nga ai lam galaw ya rit. Hkristu hta hpu nau shada rai nga ai hku nna nye a myit masin hpe shangwi shapyaw ya rit.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.