2 KORINHTU 7:12 - Jinghpaw Common Language Bible 2009

¹² Dai rai nna, ngai dai laika hpe ka dat hkra rai ti mung, shut hpyit ai wa a majaw mung n rai, shut hpyit hkam ai wa a majaw mung n rai, Karai Kasang a man e nanhte anhte hpe kaja wa gade daram tsaw ra myit dum marit nga myit dai hpe shadan shaleng chye shangun mayu ai majaw ka dat ai rai nga ai.

Jinghpaw Hanson Version Bible

¹² Dai rai nna, nanhte hpe ka dat made ai gaw, shut hpyit ai wa a nhkan e n rai, shut hpyit hkam ai wa a nhkan e mung n re ai sha, anhte a matu mara nanhte a da hpran ai myit Karai Kasang a man e nanhte hpe shadan dan myit ga, ngai ka dat nngai.

2 KORINHTU 7:12 ပူးပေါင်းရင်းမြစ်များ

2 KORINHTU 11:11

Ngai ning nga nna tsun ai gaw, ngai nanhte hpe n tsaw ra ai majaw rai ni? Ngai nanhte hpe tsaw ra ai gaw Karai Kasang chye nga ai.

2 KORINHTU 11:28

Dai hta kaga, hpung ni yawng hte a lam myit ru myit tsang ai gaw shani shagu ngai hpe shadut shatsang nga ni ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 2:9

Shawng e ngai nanhte hpang de laika ka dat ai lam gaw, chyam dinglik ai lam hpe nanhte gade daram hkam jan lu myit dai hte, nye a sharin shaga matsun madun ai lam ni hpe madat mara hkan sa na matu galoi mung jin nga chyalu rai nga ai kun? ngu ai hpe chye na matu ka dat nngai.

2 KORINHTU 7:8

Lama rai nna nye a shagun dat ai laika hte nanhte hpe myit yawn shangun yang pyi gaw dai laika ka hkrup ai hpe ngai n shut dum nngai. Rai ti mung dai laika gaw tawng marang mi nanhte hpe shayawn nga ai lam hpe ngai dum nna yawn ai lam gaw nga lai wa sai.

1 TIMOHTI 3:5

Masha langai mi gaw shi a nta dinghku hpe gara hku up hkang na lam n chye ai rai yang gaw, Karai Kasang a nawku hpung hpe gara hku lanu lahku lu na rai nga a ta?