2 KORINHTU 7:11 - Jinghpaw Common Language Bible 2009

¹¹ Nanhte a myit yawn hkyen ai hpe Karai Kasang gara hku jai lang ai lam hpe yu yu mu: dai gaw nanhte hpe gade myit rawt sharawng awng shangun ai, nanhte hta mara n kap ai lam madun dan na myit gade katu shangun ai, kaja ai lam shabyin mayu ai majaw grai myit rawt nna masin pawt ai hte myit kajawng kahpra mat ai, myit hta hkam sha nga ai lam ni, nanhte a kam sham maju jung ai lam, mara lu ai wa hpe ari jaw na matu jin jin rai nga ai lam ni gaw lam shagu hta nanhte mara n lu ai, ngu ai hpe madun dan nga manit dai.

Jinghpaw Hanson Version Bible

¹¹ Bai, Karai Kasang ra ai hte shayawn hkrum ai lam hta nan, da hpran shakang na lam mung, mara nem na lam mung, masin rawt na lam mung, hkrit kang na lam mung, myit marit ai lam mung, nja nhpra ai lam hte mara htang na lam, gade wa shachyen jat wa ai gaw, yu yu mu: nanhte ndai amu hta mara n rawng nga myit dai gaw, lam shagu hta dan nga myit dai.

2 KORINHTU 7:11 ပူးပေါင်းရင်းမြစ်များ

NEHEMIA 13:25

Ngai gaw dai lasha ni hpe daru sharin ai, shanhte hpe matsa dagam ai, anu kayat ai hte shanhte a kara ni hpe gang baw kau ya we ai. Dai hpang ngai gaw shanhte mung, shanhte a kashu kasha ni mung, maigan masha ni hte kayau kaya rai dinghku galoi mung n de shajang na matu Karai Kasang a mying nsang hta shanhte hpe dagam shaka shangun nngai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 119:139

Nye a gumlau hpyen ni, na a hkang da ai ga ni hpe hpa zawn n nawn ya nga ma ai majaw, nye a masin kahtet ai gaw wan zawn hkru nga li ai.

SHAKAWN KUNGDAWN 130:6

Sin langa ni jahpawt manap hpe ala nga ai zawn rai sa, sin langa ni jahpawt manap hpe ala nga ai hta grau nna, ngai gaw dai Madu hpe myit katu ai hte ala nga nngai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHAKAWN KUNGDAWN 2:11

Dai Madu hpe hkrit hkungga ai hte daw jau mu;

SHAKAWN KUNGDAWN 35:13

Rai ti mung, shanhte machyi hkrum nga ma ai shaloi, sharung shayawt ai hku nna, lachyit nba bu hpun let; lusha gam nna nye a hkum hpe shagrit kau nhtawm jinghku wa shing n rai hpu nau langai ngai a matu akyu hpyi myit dum ya ai zawn, nye a baw gum dagup ai hte ngai akyu hpyi ni ai.

SHAKAWN KUNGDAWN 38:9

O Madu e, ngai hpa hpe ra marit nga ai gaw nang chye nga ndai; nye a madai ai nsen ni yawng hpe mung nang na ya nga ndai.

SHAKAWN KUNGDAWN 42:1

Shan nga gaw hka shi a katsi ai hka hpe marit nga ai zawn; Karai Kasang e, ngai mung nang hpe marit nga nngai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

GA SHAGAWP 14:16

Htauli htaula myit rawng ai masha ni gaw ru yak tsin-yam hpe sadi maja let, koi kau ma ti mung, angawk ai masha ni chyawm gaw shanhte nan n dum n dam larau ladau galaw ma ai.

GA SHAGAWP 28:14

Dai Madu a ga hpe tut nawng e, madat mara nga u, shaloi, nang a lu na ra ai; nang lama baw ja nga ai rai yang chyawm gaw hten run mat ai nang hkrum na rin dai.

Shawlumon A Mahkawn Ga 8:6

Ngai hta lai nna na a tsaw ra myit masin kadai hpe mung hkum hpaw ya et; ngai hta lai kadai hpe mung hkum ahpum et. Tsaw ra myit gaw si hkrung si htan zawn n-gun ja nga ai; masin pawt ai gaw si hkrung si htan zawn n-gun ja nga ai. Dai gaw wan numli zawn kapaw ayai nna grung nga ai wan zawn hkru nga ai.

ESAIA 26:8

Anhte gaw na a myit hkan ga ai hte nang hpe myit mada ga ai; nang gaw anhte ra sharawng ai lam yawng rai nga ndai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

Daniela 6:14

Hkawhkam wa dai ga na jang, grai myit n pyaw mat ai hte Daniela hpe hkye mawai la na matu kaja htum ai lam tam galaw yu wu ai. Shi gaw jan shang wa ai aten du hkra ginjang tam shakut nga ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

KASA 17:16

Ya Pawlu Ahten mare hta Sila yan Timohti hpe la let hkring nga yang, dai mare ting hpara sumla hkrai hpring chyat rai nga ai hpe mu nna, shi a myit n ngwi n pyaw rai kahtet bu nga lu ai.

ROMA 11:20

Dai nanhte tsun ai hte maren teng nga ai. Shanhte n kam n sham ai majaw gyi kau ai hkrum ma ai; nanhte chyawm gaw Madu hpe kam sham ai majaw tsanlun hpun hta shara la lu myit dai. Rai ti mung, nanhte gaw dai lam a majaw gumrawng gumtawng rai na malai hkrit kang nga mu.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng nna, masha a man e mung awlaw ai hkrum nga ai.

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

1 KORINHTU 12:25

Dai rai nna, hkum hkrang hta na daw shan ni shada da shai wa bra wa ai lam n nga ai sha, shada da myit tsang hkat nga ma ai.

1 KORINHTU 5:13

Rai ti mung nanhte gaw hpung dinghku kata na ni hpe jeyang ang myit dai n rai ni? Chyum Laika hta ka da nga ai hte maren, “Nanhte a kata na n hkru n hkra ai wa hpe nanhte kaw na shaden kau mu.”

1 KORINHTU 5:2

Dai zawn arawn alai hten nga myit ti mung, nanhte gumrawng gumtawng naw rai nga myit ni? Nanhte hta yawn ai myit rawng let, dai zawn nse nsa galaw ai masha hpe nanhte hte kanawn mazum nga ai kaw na shaden jahka kau ang myit dai.

2 KORINHTU 13:7

Nanhte gaw shut ai lam hpe n galaw myit ga, ngu nna anhte Karai Kasang kaw akyu hpyi ga ai. Dai gaw, anhte chyam dinglik ai hpe awng dang ai lam madun dan na matu n rai, anhte ni gaw hkrat sum mat ai ni zawn san ti mung, nanhte teng man ai hpe galaw lu myit ga she hpyi ya nga ga ai.

2 KORINHTU 2:6

Nanhte malawng maga e mara shagun daru sharin hkrum ai lam gaw dai wa a matu ram ging ai ari rai salu ai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

2 KORINHTU 7:7

Titu du sa ai majaw sha n rai, shi hpe nanhte gara hku hkap n-gun jaw la ai lam shana dan mi ai majaw mung, anhte myit pyaw ai lam hkam la lu ga ai. Dai hta n ga, nanhte gaw ngai hte mu hkrum na matu gade marit nga ai lam, nanhte gade yawn madai nga ai lam, ngai hpe makawp maga la na matu gade shajin da sai lam anhte hpe tsun dan mi ai majaw mung, ngai ya grau na pyi kabu gara myit pyaw nga nngai.

2 KORINHTU 7:9

Rai ti mung ya chyawm gaw ngai kabu nga nngai-dai gaw ngai nanhte hpe yawn shangun ai majaw n rai, nanhte a myit yawn ai lam gaw, nanhte hpe shawng de na asak hkrung ai lam ni kaw na myit malai lu galai shai shangun sai majaw, rai nga ai. Karai Kasang gaw dai myit yawn ai lam hpe jai lang nga ai rai nna, anhte gaw nanhte hpe machyi hkrum shangun ai lam hpa mung n shabyin saga ai.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

EHPESU 4:26

Nanhte masin pawt yang dai pawt ai myit hpe yubak hkum galaw shangun myit; jan du hkra mung hkum pawt nga myit.

EHPESU 5:11

Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

1 HTESALONI 4:6

Ndai zawn re ai amu hta nanhte kadai wa mung, tinang a Hkristan hpu nau wa hpe shut hpyit ai lam shing n rai, hpu nau wa a ntsa e ahkaw ahkang la ai lam n mai galaw myit dai. Ndai lam shawng de nanhte hpe anhte tsun dan yu saga ai rai nna Karai Kasang gaw shut hpyit tawt lai ai ni hpe ari jaw na ra ai lam nanhte hpe aja awa sadi jaw dat ga ai.

1 TIMOHTI 5:20

Kaga ni hkrit kang mat mu ga, mara galaw ai ni yawng hpe shawa a man e daru sharin kau mu.

2 TIMOHTI 2:15

Nang chyawm gaw shi a amu hta kaya shara hpa n rawng ai magam gun hpai wa zawn mung, Karai Kasang a teng man ai mungga hpe jaw ang ai hku hkaw tsun sharin achyin ya ai wa hku nna mung, Karai Kasang a man e myi man pa lu hkra na a atsam htum hkra shakut shaja nga u.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.

YUDA 1:23

Bai kaga nkau mi hpe wan hta na gare la ai zawn hkye hkrang la mu. Bai kaga nkau mi hpe hkrit kang ai hte matsan dum nga mu, rai ti mung shanhte hkum shan ngang kayut ai hta na matsat shabat kap nga ai hpun palawng ni hpe pyi n dawng n yawt nga mu.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.