2 KORINHTU 7:10 - Jinghpaw Common Language Bible 2009

¹⁰ Hpa majaw nga yang, Karai Kasang jai lang ai yawn hkyen ai lam gaw hkye hkrang la hkrum shangun nga ai. De a majaw myit n pyaw shara n nga ai! Rai ti mung myit malai n lu ai sha shinggyim lai hku yawn hkyen ai lam gaw si hkrung si htan lam hpe shabyin nga ai.

Jinghpaw Hanson Version Bible

¹⁰ Kaning rai nme law, Karai Kasang ra ai yawn hkyen ai gaw, hkye hkrang la ai hkrum hkra, n tsang ra ai myit malai ai hpe shachyen nga ai; mungkan ga a yawn hkyen ai chyawm gaw, si mat ai hpe shachyen nga ai.

2 KORINHTU 7:10 ပူးပေါင်းရင်းမြစ်များ

NINGPAWT NINGHPANG 30:1

Rai ti mung, Rahkela mahtang Yaku a matu kasha n shangai ya dum wu ai majaw, shi a kana jan hpe yu manawn nga ai rai nna Yaku hpe, “Ngai hpe kasha jaw e, dai n rai yang, ngai si mat na nngai,” ngu nna tsun wu ai.

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

2 SAMUELA 13:4

Yonadab gaw Amnon hpe, “Ya, nang gaw hkawhkam wa a kasha rai nga ndai; ti mung lani hte lani nang hta myit n pyaw hpa lam nga nga ai hpe ngai mu nngai. Dai gaw hpa majaw rai nga a ta?,” ngu nna tsun wu ai. Shi gaw, “Nye a kanau Absalom a kajan Tama hpe ngai tsaw ra nga nngai,” ngu nna htan wu ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

1 HKAWHKAM 21:4

Ahab mung nta de wa nna, Nabot shi hpe tsun kau wu ai ga a majaw myit htum ai hte pawt wu ai. Shi gaw shakum de myi man yawng let shi a yup ku ntsa e kaleng taw nga ai; shat mung n sha wu ai.

SHAKAWN KUNGDAWN 38:18

Nye a yubak ni hpe ngai yin la nga nngai, dai gaw ngai hpe myit ru myit tsang lam jahpring ya nga ai.

GA SHAGAWP 15:13

Masha ni kabu gara nga yang, shanhte mani sumsai rai nga ma ai; shanhte yawn hkyen hkrum hkra ai shaloi, shanhte a myi man hta myit daw ai nsam hpe mu lu nga ai.

GA SHAGAWP 15:15

Matsan mayan re ai wa a asak hkrun lam gaw dingngam malan dating shakut shaja sha ra nga ai; kabu gara ai masha ni chyawm gaw tut nawng e, pyaw ai asak hkrun lam hpe hkam sha nga ma ai.

GA SHAGAWP 17:22

Kabu gara ai gaw nang hpe hkam kaja shangun nga ai, aten tup myi man muk muk rai nga ai wa gaw angwi sha si wa ai lam rai nga ai.

GA SHAGAWP 18:14

Nang machyi makaw hkrum ai shaloi, hkrung nga lu na matu myit dating da lu nga ai; rai ti mung, dai myit nang hta n rawng mat jang, na a jahtum na myit mada shara mung n nga nga ai.

HPAJI NINGLI 7:3

Yawn hkyen ai gaw mani ai wa hta grau kaja nga ai; dai gaw na a myi man hpe n tsawm shangun ti mung chye na hkawn hkrang ai na a nyan hpe sam shangun nga ai.

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

YONA 3:10

Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

YONA 3:8

Masha hte dusat ni yawng lachyit nba bu hpun lu na rai nga ai. Masha shagu gaw Karai Kasang kaw akroi anoi akyu hpyi lu na rai nga ai, shanhte gaw n hkru ai arawn alai hte n kaja ai amu ni hpe kau da lu na rai ma ai.

YONA 4:9

Rai ti mung Karai Kasang gaw shi hpe, “Dai tauba ru a majaw, nang hpa masin pawt shara nga a ta?,” ngu nna shi hpe tsun wu ai. Yona gaw, “Ngai gaw pawt na ahkaw ahkang lu nngai- si ai du hkra pawt sindawng na mai nga ai!,” ngu nna htang tsun wu ai.

MAHTE 26:75

Dai rai nna Petru gaw, “U garai n goi yang, nang ngai hpe n chye nngai nga nna masum lang nyet kau na rin dai,” nga nna Yesu tsun ai ga hpe bai myit dum dat wu ai. Shaloi shi gaw shinggan de pru nna ja ja hkrap nga ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

2 KORINHTU 7:9

Rai ti mung ya chyawm gaw ngai kabu nga nngai-dai gaw ngai nanhte hpe yawn shangun ai majaw n rai, nanhte a myit yawn ai lam gaw, nanhte hpe shawng de na asak hkrung ai lam ni kaw na myit malai lu galai shai shangun sai majaw, rai nga ai. Karai Kasang gaw dai myit yawn ai lam hpe jai lang nga ai rai nna, anhte gaw nanhte hpe machyi hkrum shangun ai lam hpa mung n shabyin saga ai.

HEBRE 12:17

Nanhte chye nga ai hte maren, shi gaw hpang e she kawa kaw na shaman chyeju lu la mayu wu ai, rai ti mung shi n lu wu ai, hpa majaw nga yang, shi galaw lai wa sai lam hpe bai sharai na lam hpe myi prwi hte tam katu wu ti mung, n mu la nu ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.