2 KORINHTU 6:8 - Jinghpaw Common Language Bible 2009

⁸ Anhte gaw shagrau sha-a ai mung, jahpoi asawng ai mung, shakawn kungdawn ai mung hkrum ga ai. Anhte hpe masu hkalem sha ai masha ni rai ma ai ngu nna shadu ma ai, rai ti mung, anhte gaw teng man ai ga tsun ga ai.

Jinghpaw Hanson Version Bible

⁸ hpung shingkang hkrum ai rai timung, n kaw n law hkrum ai rai timung, shatan nhkan hkrum ai rai timung, shagrau ai hkrum ai rai timung:

2 KORINHTU 6:8 ပူးပေါင်းရင်းမြစ်များ

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 12:14

Shanhte shi kaw du nna, “Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,” ngu nna tsun mu ai.

YAWHAN 7:12

Shawa masha ni hta mung shi a lam gadum gahte nga ai lam grai law ai hte, nkau mi gaw, “Shi gaw masha kaja rai nga ai,” nga ma ai. Bai nkau mi gaw, “N rai, mung masha ni hpe lam shadam nga ai,” nga shajang ma ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 16:39

Dai re ai majaw, shanhte hkum nan shan kaw sa nhtawm sa nem shapraw la nna dai mare na pru wa na lam hpyi nem mu ai.

KASA 22:12

“Dai mare hta tara hkungga nna anhte a jep ai Tara hpe madat mara hkan sa ai hte dai yang e nga ai Yuda masha ni yawng a man e myi man pa nna hkungga tawn ai Anani ngu ai masha langai mi nga ai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

KASA 5:13

Masha ni shan hte hpe grai tsun shakawn ma ai rai tim shinggan masha gale kadai mung shan hte n kanawn wam ma ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

ROMA 3:8

“Mai kaja ai lam byin pru u ga, n kaja ai lam galaw ga,” ngu nna tsun na rai ni? Ndai hku nan ngai tsun ai nga nna masha nkau mi ngai hpe mara shagun ai hte n kaw n law roi asawng ma ai. Dai masha ni gaw daw dan ai ari hkrum ging ai hte maren shanhte hkrum na mara ai.

2 KORINHTU 1:18

Kaja wa Karai Kasang gaw tengman ai hpe tsun nga ai hte maren, ngai nanhte hpe jaw ai ga sadi mung, “Re ai,” hte “N re ai,” kayau ai ga kabra n rai nga ai.

2 KORINHTU 11:21

Anhte gaw dai zawn re ai lam ni hpe galaw na matu gawng kya la ga ai lam yin la na matu pyi gaw kaya saga ai! Rai ti mung marai langai ngai lam lama ma hta gumrawng yang gaw ngai mung angawk angak re ai wa zawn tsun gwi da we ai.

2 KORINHTU 12:16

Dai majaw ngai gaw nanhte hpe lit shali ai wa n re ai lam nanhte myit hkrum yin la na myit dai; rai ti mung ngai gaw zai hte nanhte hpe masu hkalem ai hku mahkam hkam la ai nga nna marai langai ngai tsun na ra ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

1 HTESALONI 2:3

Anhte gaw shut ai lam hte n san n seng ai maw mawn ai myit hte langai ngai hpe hkalem hkalau mayu ai myit hte, nanhte hpe shadum jahprang ga ai n rai.

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

HEBRE 13:13

Dai re ai majaw, anhte gaw dap shinggan de shi kaw pru sa nna shi hkam ai kaya kahpa aroi arip lam hpe jawm hkam la ga.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

3 YAWHAN 1:12

Masha shagu gaw Demetri a kaja ai lam hpe sakse hkam nga ma ai. Shi a hkan sa galaw ai lam ni mung dai teng man ai mungga hte bung pre nga ai. Anhte mung sakse hkam jat ga ai rai nna, anhte a sakse hkam ai ga teng nga ai gaw nang chye nga ndai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.