2 KORINHTU 6:14 - Jinghpaw Common Language Bible 2009

¹⁴ N kam n sham ai ni hte rau ginrun nna amu bungli hkum jawm gun hpai nga mu, hpa majaw nga yang, rau ginrun nna gun hpai na n mai byin ai. Jaw ai hte shut ai gaw kaning rai nna rau ginrun nga lu na rai ta? Nhtoi hte nsin gaw kaning rai nna rau nga lu a ta?

Jinghpaw Hanson Version Bible

¹⁴ N kam n sham ai ni hte rau nhtan shai ai kandang hpe hkum jawm hpai mu: kaning rai nme law, dingman ai lam gaw, tara n hkungga ai lam hte hpa seng a ta? Nhtoi gaw nsin hte kaning rai kanawn lu a ta?

2 KORINHTU 6:14 ပူးပေါင်းရင်းမြစ်များ

NINGPAWT NINGHPANG 24:3

“Na a lata nye a magyi lapran hta bang nna dagam ru. Ngai sha a matu ningrum ningtau langai ndai Hkanan mung na shayi sha ni hpe n lata hkrup lit ga, sumsing lamu hte ginding aga a Madu Karai Kasang a mying nsang hta ngai nang hpe dagam shangun mayu nngai.

1 HKAWHKAM 18:21

Elia mung amyu masha ni nga ai de lung wa nhtawm, “Nanhte gaw gade na hkra hpa mung n daw dan ai nga nga na ngu nga myit ni? Dai Madu gaw Karai Kasang rai nga ai rai yang, shi hpe nawku mu; rai ti mung Bala mahtang karai kasang rai yang gaw shi hpe nawku mu!,” ngu nna tsun wu ai. Rai ti mung amyu masha ni chyawm gaw ga hkaw mi pyi n htan ai sha nga nga ma ai.

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

EZRA 10:19

Shanhte gaw shanhte a madu jan ni hpe jahka kau na nga ga sadi jaw ma ai, shanhte shut kau ai yubak mara a matu sagu la langai mi shagu hkungga shatai let nawng ya ma ai.

SHAKAWN KUNGDAWN 106:35

maigan amyu masha ni hte shanhte dinghku de ma ai hte maigan htung tara ni hpe shanhte hkap la nga mu ai.

SHAKAWN KUNGDAWN 119:63

Ngai gaw nang hpe daw jau nga ai ni hte na a tara ni hpe hkan sa nga ai ni yawng a jinghku wa rai nga nngai.

SHAKAWN KUNGDAWN 16:3

Madu a kangka ai amyu masha ni gaw kade wa mai kaja nga ma hka! Shanhte hte rau rai nga na gaw nye a pyaw htum ai lam rai nga ai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

GA SHAGAWP 22:24

Myit kahtet nna, sheng mareng nga ai masha ni hte jinghku hkum hku et.

GA SHAGAWP 29:27

Ding hpring ai ni gaw tara n lang ai ni hpe n dawng nga nna, tara n lang ai ni gaw ding hpring ai ni hpe n ju nga ma ai.

JAW JAU 19:19

“Nye a hkang da ai ga ni hpe madat mara lu na rai myit dai; dinghku kata rem ai yam nga ni hpe amyu kayau nna uli hkum shalun myit; yi hkauna langai hta sha nli amyu lahkawng hkai lu na n rai; ri amyu lahkawng hte kayau da ai hpun palawng ni hpe hkum hpun myit.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

KASA 4:23

Petru yan Yawhan gaw raw dat hkrum ai hte rau tinang a hpung manang ni hpang de wa nna hkinjawng agyi ni hte salang ni kaning rai nna tsun ahkrim ai ga mahkra tsun dan mu ai.

1 KORINHTU 10:21

Nanhte gaw dai Madu a gawm kaw na lu nhtawm, nat ni a gawm kaw na mung bai lu lu na myit dai n rai, dai Madu a sha ku hta na sha nhtawm, nat ni a sha ku hta na mung bai sha lu na myit dai n rai.

1 KORINHTU 15:33

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

1 KORINHTU 5:9

Shawng na lang ngai nanhte hpang de ka dat ai laika hta hpye ai amu galaw ai ni hte n kanawn mazum na lam ngai htet dat ni ai.

1 KORINHTU 6:6

Shing rai galaw na malai, Hkristan hpu nau langai mi gaw shada da shawk hkat na matu tara rung de sa nna n kam n sham ai ni hpe amu jeyang shangun nga a hka!

1 KORINHTU 7:39

Hkungran sai num langai mi gaw, shi a madu wa ahkrung nga dingsa shi hte naw makyit nga ai; rai ti mung, madu wa si mat sayang gaw shanglawt lu sai rai nna shi ra ai kadai wa hte rai tim, hkungran lu sai. Rai ti mung, dai hkungran ai lam gaw Hkristan lasha hte rai ra nga ai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.