2 KORINHTU 6:13 - Jinghpaw Common Language Bible 2009

¹³ Nanhte a myit masin chyinghka ni hpe hpaw malang da nga mu! Ya ngai nanhte hpe nye a kasha ni hpe zawn tsun shaga nga nngai. Nanhte mung anhte hpe dai hte bung ai hku myit ai lam ni madun htang marit.

Jinghpaw Hanson Version Bible

¹³ Dai zawn chyeju htang lu myit ga, nanhte a kraw lawang mung maden dat mu: tinang kasha ni hpe zawn ngai ning nga tsun nngai.

2 KORINHTU 6:13 ပူးပေါင်းရင်းမြစ်များ

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

SHAKAWN KUNGDAWN 81:10

Ngai nanhte hpe Egutu mung kaw nna shapraw la ai nanhte a Madu Karai Kasang rai nga nngai. Nanhte a n-gup ni hpe mahka mu, ngai nanhte hpe lusha jaw na mawe ai.

MARKU 11:24

Dai re ai majaw ngai nanhte hpe tsun made ai gaw; nanhte akyu hpyi ai hte lama ma hpyi myit yang, nanhte lu la na ra ai ngu nna kam sham nga mu, shing rai jang nanhte hpyi ai hpa rai ti mung, lu la na marin dai.

GALATI 4:12

Hpu nau ni e nanhte zawn ngai rai nga nngai majaw, nanhte mung ngai zawn rai nga mu; ngu nna ngai nanhte hpe hpyi nem made ai.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 YAWHAN 2:1

Ngai shu ngai sha ni e, nanhte yubak n galaw myit ga, ndai laika hpe nanhte hpang de ngai ka dat nngai, rai ti mung masha langai ngai yubak galaw hkrup a yang gaw, dai Kawa a man e anhte a matu hpyi nem tawngban ya ai wa, Yesu Hkristu ngu ai ding hpring ai Madu anhte lu ga ai.

1 YAWHAN 3:18

Nye a shu sha ni e, anhte hpe tsaw ra ai lam gaw ga hte, n-gup shinglet hte sha n rai, amu bungli hta madun dan ai teng man tsaw ra myit rai ra nga ai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.

3 YAWHAN 1:4

Nye a kashu kasha ni, dai teng man ai lam hta hkan sa asak hkrung nga ma ai lam na lu ai majaw ngai hpe kabu gara shangun dik ai hta kaga kabu hpa n nga mat sali ai.