2 KORINHTU 6:11 - Jinghpaw Common Language Bible 2009

¹¹ Korinhtu mare na tsaw ra ai jinghku ni e, anhte gaw nanhte hpe hkrang hkrang sha tsun saga ai; anhte gaw anhte a myit masin chyinghka ni hpe dam lada ai hku nanhte a matu hpaw da saga ai.

Jinghpaw Hanson Version Bible

¹¹ Korinhtu ni e, anhte a n-gup gaw nanhte a jaw e hpaw nga mali ai, anhte a myit gaw dam lada maden wa sai.

2 KORINHTU 6:11 ပူးပေါင်းရင်းမြစ်များ

YOBA 32:20

Ngai dai hpe sharang da lu nngai n rai; ngai ga shaga na nngai.

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

SHAKAWN KUNGDAWN 51:15

Madu e, ga shaga lu na matu, ngai hpe karum la e; shing rai, ngai nang hpe shakawn na nngai.

ESAIA 60:5

Nang gaw dai lam hpe mu nna kabu gara ai hte hpring na ndai; Nang gaw myit n dawt ai hte hkrit gari wa na ndai. Masha amyu baw ni a sut gan nang hpang de la sa na mara ai; Panglai din ai shara hkan na shanhte a sut gan ni du sa wa na mara ai.

EZEKELA 33:22

Shi garai n du shang ai shawng shana de kaw nna daru magam n-gun rawng ai dai Madu a hpung shingkang hpe ngai hkrum hkra ni ai. Dai wa du wa ai hpang jahpawt hta, dai Madu gaw ngai hpe tsun shaga na n-gun atsam bai jaw ya nga sai.

HABAKU 2:5

Sut gan gaw masu hkalem ai amu rai nga ai. Lawhpa myit marin ai ni gaw gumrawng gumtawng ai hte kadau kadap rai nga ai-shanhte gaw si du zawn galoi mung myit n dik hkraw nga ma ai. Dai re ai majaw, shanhte gaw masha amyu baw mi a hpang masha amyu baw mi hpe shanhte a matu gasat dang la nga ma ai.

KASA 18:1

Dai hpang Pawlu gaw Ahten mare na pru nna Korinhtu mare de du ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

GALATI 4:12

Hpu nau ni e nanhte zawn ngai rai nga nngai majaw, nanhte mung ngai zawn rai nga mu; ngu nna ngai nanhte hpe hpyi nem made ai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

EHPESU 6:8

Mayam hpe rai ti mung, shanglawt hpe rai ti mung Karai Kasang gaw langai hte langai hpe shi galaw ai mai kaja ai amu a matu jaw htang na ra ai dum chye nga mu.

HPILIPI 1:8

Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

HPILIPI 4:15

Hpilipi hpung masha ni e, Makedoni mung na ngai pru wa nna Kabu Gara Shiga hkaw tsun hpang ai nhtoi ni a shawng daw hta nanhte Hpilipi hpung langai mi chyu sha ngai hpe karum dat manit dai lam hpe mung, magam gun ai lam hta nanhte chyu sha ngai hte kanawn mazum let sum hkrum ai lam ni hte awng dang ai akyu ni hpe rau rum hkam la manit dai lam hpe mung, nanhte nan atsawm sha chye nga myit dai.

SHINGRAN 22:12

“Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!