2 KORINHTU 6:10 - Jinghpaw Common Language Bible 2009

¹⁰ Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

Jinghpaw Hanson Version Bible

¹⁰ adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

2 KORINHTU 6:10 ပူးပေါင်းရင်းမြစ်များ

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

GA SHAGAWP 13:7

Masha nkau mi gaw sut su ai wa zawn zawn rai nga ma ti mung, shanhte hpa n lu nga ma ai; masha nkau mi matsan ai wa zawn zawn rai nga ma ti mung, sali wunli law law hpe madu tawn lu ma ai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

MAHTE 5:4

“Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

LUKA 6:21

Ya kawsi nga ai ni, nanhte a lu myit dai: kaning rai nme law nanhte hkru kat lu na myit dai. Ya hkrap nga ai ni, nanhte a lu myit dai: kaning rai nme law nanhte mani lu na marin dai.

YAWHAN 16:22

Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.

KASA 3:6

Petru chyawm gaw shi hpe, “Ja, gumhpraw gaw ngai n lu nngai; rai ti mung ngai lu ai nang hpe jaw de ga, Nazaret wa Yesu Hkristu a mying nsang hte rawt hkawm wa u!,” ngu nna tsun wu ai.

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.

ROMA 11:12

Yuda masha ni a tawt lai ai yubak mara gaw, mungkan masha ni a matu law la ai chyeju kumhpa shabyin ya ai hte, shanhte a wenyi hta matsan chyaren hkrum ai gaw maigan masha ni a matu law la ai chyeju kumhpa shabyin ya nga yang gaw Yuda masha ni hkum hkum tsup tsup dai hkye hkrang la ai chyeju hta shalawm la ai hkrum yang gaw gade wa grau kaba la ai chyeju kumhpa byin tai na rai nga a hka!

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

ROMA 9:2

Nye amyu masha ni nye a sai daw sai chyen ni a matu nye a kraw lawang e matut manoi ngai hkam sha nga ai yawn hkyen ai hte machyi hkrum ai lam gaw ngai tsun na nga yang grai kaba la nga ai n rai ni?

1 KORINHTU 1:5

Nanhte gaw Hkristu hte langai sha tai nga myit dai majaw, n-gup atsam hte chye chyang ai lam shagu hta, nanhte shi hta hkum tsup nga manit dai.

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.

2 KORINHTU 4:15

Ndai lam ni yawng hte gaw nanhte hta akyu ara byin tai wa na matu rai nga ai; Karai Kasang a chyeju hpe hkam la ai masha ni mung grau grau law wa ai hte maren, Madu a hpung shingkang hpe chyeju dum shakawn shagrau akyu hpyi ai lam ni mung grau nna law htam wa na ra ai.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

1 HTESALONI 5:16

Tut nawng e kabu gara nga mu,

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.