2 KORINHTU 6:1 - Jinghpaw Common Language Bible 2009

¹ Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

Jinghpaw Hanson Version Bible

¹ Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

2 KORINHTU 6:1 ပူးပေါင်းရင်းမြစ်များ

YEREMIA 8:8

Nang gaw hpaji rawng ai wa hte nye a tara lam ni hpe chye nga ndai ngu nna kaning rai tsun lu na rai ta? Yu u, tara lam ni gaw n ding n man ai laika ka sara ni a majaw shai mat nga sai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 14:3

Kasa ni mung tsawmra na hkra dai yang e nga nna Madu a lam nden ja ai myit hte hkaw dan mu ai. Madu mung shanhte hkaw tsun ai Karai Kasang a chyeju hte seng ai mungga teng man nga ai lam sakse madun na matu shan hpe dai mauhpa amu hte lamik kumla ni madun lu ai atsam jaw mu ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

GALATI 2:21

Ngai gaw Karai Kasang a chyeju hpe ningdang kau na hkraw nngai n rai; hpa majaw nga yang masha gaw jep ai tara hte Karai Kasang a man e ding hpring wa lu ai rai yang gaw, Hkristu gaw kaman lila sha si hkam kau nu ai.

GALATI 3:4

Nanhte nan mu hkrum hkam sha lai wa sai ning san ai nni nkri hpe nanhte kaman sha hkam kau manu ni? Kaja wa dai mahkrum madup gaw nanhte a matu kaman n mai rai mat nga ai.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!

TITU 2:11

Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.

1 SAMUELA 14:45

Rai ti mung, amyu masha ni chyawm gaw Shawlu hpe, “Israela a matu nde wa kaba la ai awng padang ninglaw jaw ya ai Yonahtan gaw si lu na rai wu ni? Dai hku n rai u ga, shi a baw hta na kara singgawng mi mung mat lu na n rai nga ai gaw ahkrung nga ai dai Madu hta anhte ga sadi tawn ga ai. Dai ni shi galaw ai amu gaw Karai Kasang karum la ai hte sha galaw kau lu nu ai re,” ngu nna tsun ma ai. Dai rai nna amyu masha ni gaw Yonahtan hpe si na kaw na hkrang la nga ma ai.