2 KORINHTU 5:9 - Jinghpaw Common Language Bible 2009

⁹ Dai rai nna anhte gaw, nang e nga ai hkum hkrang nta hta shanu nga yang rai ti mung, htawra kaw shanu nga yang rai ti mung, shi hpe sharawng awng shangun na gaw kaga yawng mayawng hta grau ahkyak ai amu rai nga mali ai.

Jinghpaw Hanson Version Bible

⁹ Dai rai nna, shanu nga yang rai timung, garai n shanu nga yang rai timung, shi a man e sharawng awng ai ni tai u ga, anhte myit makun nga ga ai.

2 KORINHTU 5:9 ပူးပေါင်းရင်းမြစ်များ

NINGPAWT NINGHPANG 4:7

Nang jaw ai amu galaw yang gaw nang myi man hpaw lu na rai nga ndai, rai ti mung nang gaw n hkru n shawp ai amu galaw kau nit dai majaw yubak gaw na a chyinghka e makun hpum nga ai. Dai gaw nang hpe up hkang mayu ti mung, dai hpe nang awng dang kau lu ndai,” ngu nna tsun wu ai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng nna, masha a man e mung awlaw ai hkrum nga ai.

ROMA 14:8

Anhte hkrung nga yang mung dai Madu a hpung shingkang dan hkung na matu hkrung nga ga ai; anhte si wa yang mung dai Madu a hpung shingkang dan hkung na matu si wa ga ai re ai. Dai majaw anhte hkrung timung, si timung dai Madu hte anhte seng nga ga ai.

ROMA 15:20

Rai ti mung masha wa langai ngai e gaw da ai npawt ntsa hta n kahtap u ga, Hkristu a mying n na yu ai shara hkan e dai Kabu Gara Shiga hkaw dan na ngai galoi mung myit sharawng makun nga nngai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

2 KORINHTU 5:6

Dai re ai majaw anhte gaw galoi mung nden marai hte hpring nga ga ai. Ndai dinghta hkum hkrang nta hta sha naw anga nga dingsa gaw Karai Kasang a nta hte tsan gang nga ga ai.

2 KORINHTU 5:8

Anhte gaw nden marai hte hpring nga ga ai rai nna, hkum hkrang nta hpe kau da nna dai Madu hte rau nga nga na hpe grau nna ra sharawng nga ga ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

1 HTESALONI 4:11

Nanhte gaw shawng e anhte tsun htet da sai hte maren, sim sa ai hku hkan sa asak hkrung nga na matu mung, kaga masha ni a lam hta n hkan chyau lau hkawm na matu mung, tinang a kan bau bungli hpe tinang dai galaw sha nga na matu mung, myit jasat da nga mu ga.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

HEBRE 4:11

Dai rai nna shanhte a n kam n sham ai a majaw ban sa ai de n shang lu ai Israela masha ni zawn anhte kadai hta mung n byin u ga, dai ban sa ai de shang lu na matu anhte atsam htum hkra shakut shaja nga ga.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.