2 KORINHTU 5:7 - Jinghpaw Common Language Bible 2009

⁷ Hpa majaw nga yang, anhte a asak hkrung ai lam gaw myi hte mu lu ai hta n re ai sha makam masham hta she asak hkrung nga ga ai.

Jinghpaw Hanson Version Bible

⁷ myi hte mu lu ai n re ai sha, makam masham a marang e anhte hkawm nga ga ai;

2 KORINHTU 5:7 ပူးပေါင်းရင်းမြစ်များ

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

2 KORINHTU 1:24

Nanhte hpa baw hpe kam sham ra myit dai ngu nna anhte hkang ga ai n rai. Nanhte ngang ngang kang kang dai makam masham hta tsap nga myit dai hpe anhte chye ga ai. Anhte gaw nanhte a ngwi pyaw kabu gara ai lam a matu she nanhte hte rau amu gun hpai nga ga ai.

2 KORINHTU 4:18

Anhte gaw myi hte mu lu ai arai ni hpe yu azi majen nga ga ai n re ai sha, myi hte n mu lu ai arai ni hpe she yu azi majen nga ga ai. Hpa majaw nga yang, myi hte mu lu ai arai gaw jahkring jahkra sha nga nna, myit hte n mu lu ai arai mahtang gaw htani htana agrin nga ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

TARA JAHPRANG 12:9

Hpa majaw nga yang, dai Madu nanhte a Karai Kasang gaw ngwi pyaw sim sa ai hte nanhte nga lu myit ga nga, nanhte hpe jaw ya ai mungdan de nanhte garai n shang sha nga myit dai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 PETRU 5:9

Nanhte gaw nanhte hkam la sai makam masham hpe shangang shakang da nhtawm, dai hpyen wa hpe hkap shingdang gasat mu; hpa majaw nga yang, mungkan ting na nanhte a kam sham ai hpu nau ni mung dai hte bung ai nni nkri ni hpe hkam nga ai lam nanhte chye nga myit dai.