2 KORINHTU 5:4 - Jinghpaw Common Language Bible 2009

⁴ Ndai dinghta sum hta naw nga ai shaloi gun hpai ai lit e dip gamyet ai hpe hkam sha ai myit hte madai nga ga ai. Shingrai madai ai lam gaw anhte a dinghta hkum hkrang hpe gun kabai kau mayu ga ai majaw n rai, si mat chye ai hpe htani htana asak hkrung ai de galai mat na matu sumsing lamu na hkum hkrang hpe anhte dagraw la mayu ai majaw rai nga ai.

Jinghpaw Hanson Version Bible

⁴ Ndai sum hta e naw nga nga ai ni anhte gaw, lit hpe gun hpai let a madai nga ga ai rai nna, ndai sum hpe anhte kun di kau mayu ga ai n re ai sha, si mat chye ai gaw asak hkrung ai hta lup mayu kau ai hkrum u ga, hkumhkrang nta hpe dagraw na mahtang ra nga ga ai.

2 KORINHTU 5:4 ပူးပေါင်းရင်းမြစ်များ

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 38:12

Sum run hpya kau hkrum ai zawn, Da lang kaw na sumpan rep la kau hkrum ai zawn, Nye a asak sumri dan kau hkrum ai hte htum mat nga sai. Karai Kasang gaw nye a asak hpe jahtum kau ya nga sai ngu, ngai myit nawn kau nngai.

ROMA 8:23

Rai ti mung hpan da hkrum ai mungkan sha n rai, Karai Kasang a shawng nnan na chyeju kumhpa rai nga ai Wenyi hpe hkam la sai anhte ni mung Karai Kasang a yin la ai kasha shatai la ai chyeju hte anhte a hkum hkrang ting raw dat hkrum na lam hpe mung ala nga let anhte a kraw kata hta madai nga ga ai.

1 KORINHTU 15:51

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai.

2 KORINHTU 5:2

Ya dai sum hta anhte rawng nga yang, sumsing lamu na nta hpe anhte dagraw la lu na nachying n dawt nga ga ai majaw, anhte madai let nga nga ga ai.

2 KORINHTU 5:3

Shing rai dagraw la ngut jang anhte gaw hkum hkrang n lu ai ni tai mat na n rai.

2 PETRU 1:13

Ngai asak naw hkrung nga ai ladaw hte yang, dai lam ni hte seng nna nanhte hpe sadi jaw shadum na gaw ngai galaw ang ai amu re ngu nna ngai myit la nngai.