2 KORINHTU 5:2 - Jinghpaw Common Language Bible 2009

² Ya dai sum hta anhte rawng nga yang, sumsing lamu na nta hpe anhte dagraw la lu na nachying n dawt nga ga ai majaw, anhte madai let nga nga ga ai.

Jinghpaw Hanson Version Bible

² Kaning rai nme law, ndai sum hta anhte madai nga ga ai rai nna, sumsing lamu na anhte a hkumhkrang nta hpe, dagraw lu na ndawt nga ga ai;

2 KORINHTU 5:2 ပူးပေါင်းရင်းမြစ်များ

YOBA 10:11

Nye a hkum hkrang hpe nrut nra hte lasa ni hte nang shachyaw nna; nra hpe lasa shan hte ahpyi ni hte jahpring da nga ndai.

ROMA 7:24

Chyum sha hkrum ai ngai wa e! Ndai si shangun ai hkum hkrang hta na, ngai hpe kadai wa mawai la na law e?

ROMA 8:23

Rai ti mung hpan da hkrum ai mungkan sha n rai, Karai Kasang a shawng nnan na chyeju kumhpa rai nga ai Wenyi hpe hkam la sai anhte ni mung Karai Kasang a yin la ai kasha shatai la ai chyeju hte anhte a hkum hkrang ting raw dat hkrum na lam hpe mung ala nga let anhte a kraw kata hta madai nga ga ai.

1 KORINHTU 15:51

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai.

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.