2 KORINHTU 5:15 - Jinghpaw Common Language Bible 2009

¹⁵ Asak hkrung nga ai ni mung, shanhte a akyu a matu mara asak n hkrung ai sha, shanhte a matu mara si hkam nna bai hkrung rawt wa ai wa a matu chyu sha hkrung nga mu ga, yawng mayawng a matu mara shi si hkam sai.

Jinghpaw Hanson Version Bible

¹⁵ asak hkrung ai ni mung, tinang myit hte n re ai sha, shanhte a matu mara si hkam nna, bai rawt wa ai wa a jaw e hkrung nga mu ga, yawng mayawng a matu mara shi si hkam sai.

2 KORINHTU 5:15 ပူးပေါင်းရင်းမြစ်များ

2 HKAWHKAM 5:17

Dai rai nna Naman gaw, “Ndai kumhpaw kumhpa hpe nang n hkap la ai rai yang, ya kaw nna wan nat hkungga rai ti mung, dai Madu hta lai, kaga karai kadai hpe mung n jaw jau na sai majaw aga lawze daw lahkawng ngai hpe jaw dat e. Hpa majaw nga yang ya kaw nna dai Madu hta lai kaga hpara shaje ni hpe shagu hkungga mung, wan nat hkungga ni mung ngai n nawng na nngai.

EZEKELA 16:6

“Dai hpang, ngai gaw dai hku lai hkawm ai hte sai hta galu nga ai nang hpe ngai mu nngai. Nang gaw asai hta galu nga ti mung, ngai gaw nang hpe n si shangun mayu nngai.

EZEKELA 37:14

Nye a nsoi nsa shanhte hta bang ya ai hte rau, shanhte asak bai hkrung wa nhtawm shanhte a mungdan hta ngai shanu nga shangun na nngai. Shaloi, ngai nan dai Madu rai nga nngai hpe shanhte chye lu na mara ai. Ngai gaw ga sadi tawn da sai hte maren, ngai myit ai hku ndai amu hpe shatup na we ai. Dai Madu ngai nan tsun ni ai,” ngu nna tsun wu ai.

EZEKELA 37:9

Karai Kasang gaw ngai hpe, “Si chye ai masha wa e, nbung hpe myihtoi htoi u. Dai nbung gaw mungkan man shagu de nna bung wa nhtawm ndai si mang ni a kata de nsoi nsa bang ya nna shanhte asak bai hkrung wa lu mu ga, Tsaw Htum ai dai Madu hkang da ai hte maren, nbung hpe tsun u,” ngu nna tsun wu ai.

HABAKU 2:4

Ndai gaw mungga rai nga ai: ‘N hkru ai ni gaw hkrung nga lu na ra ai n rai, rai ti mung ding hpring ai ni gaw hkrung nga na ra ai hpa majaw nga yang shanhte gaw Karai Kasang hta sadi dung nga ma ai.’”

ZEHKARIA 10:9

Ngai shanhte hpe masha amyu baw ni de shabra kau tim, sumtsan shara kaw nna ngai hpe adum nga na mara ai. Shanhte hte shanhte a kashu kasha ni hkrung nga lu nna, dum nta de rau nhtang wa lu na mara ai.

YAWHAN 5:24

Ngai nanhte hpe teng teng tsun made ga, nye a ga madat mara nna ngai hpe shangun dat ai wa hpe kam sham ai wa kadai mung, htani htana asak lu la wu ai. Shi gaw tara daw dan ai n hkrum ai sha, si ai kaw na asak hkrung ai de kawt lai wa ai wa rai nga ai.

YAWHAN 6:57

Ahkrung nga ai nye Wa gaw, ngai hpe shangun dat ai rai nna, ngai gaw Wa a majaw hkrung nga nngai. Dai hte maren, ngai hpe sha ai wa mung, nye a majaw hkrung nga na ra ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

ROMA 6:2

Kaja wa dai hku n rai law! Yubak mara hte si hka mat sai ni anhte gaw dai hta e kaning rai naw matut nna pra nga lu na ga ta?

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

ROMA 8:10

Hkristu gaw nanhte hta e nga nga yang, nanhte a hkum hkrang ni gaw yubak a majaw si na rai nga ai, rai ti mung Wenyi gaw nanhte hpe asak hkrung shangun na ra ai; hpa majaw nga yang nanhte gaw Karai Kasang a man e ding hpring wa lu manit dai majaw rai nga ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

ROMA 8:6

Hkum shan myit e up hkang kau ai gaw si mat ai hpe shabyin nga ai; Wenyi e up hkang kau ai gaw asak hkrung ai lam hte ngwi pyaw ai lam hpe shabyin nga ai.

1 KORINHTU 10:33

Masha yawng mayawng hkye hkrang la ai hkrum mu ga she, nye a matu mai kaja ai lam n myit ai sha, yawng mayawng a akyu hpe tam let, masha ni sharawng awng hkra galaw nngai. Nanhte mung ngai galaw ai zawn hkan galaw mu.

2 KORINHTU 12:10

Dai rai nna ngai gaw Hkristu a jaw e hkam ai gawng kya ai lam ni jahpoi asawng ai, kyin dut ai. zingri zingrat hkrum ai, hte yak hkak ai lam ni a majaw kabu myit dik nga nngai, hpa majaw nga yang ngai gawng kya ai shaloi ngai n-gun atsam rawng nga nngai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 5:16

Dai re ai majaw, anhte gaw ya kaw nna kadai hpe mung masha a madang ni hpe hkan nna daw dan ai lam n galaw saga ai. Shawng daw de Hkristu hpe masha madang hku hkan nna sawn daw dan ai lam galaw lai wa saga ai, rai ti mung ya dai hku n galaw saga ai.

GALATI 5:25

Anhte Wenyi hta asak hkrung nga ga yang gaw, dai Wenyi e woi awn lam matsun madun ai hte maren hkawm sa nga ga.

EHPESU 4:17

Manu n rawng ai myit mang ai lam lu ai maigan masha ni zawn matut nna asak n hkrung na matu Madu a mying ningsang hte ngai nanhte hpe sadi jaw made ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

KOLOSE 2:12

Nanhte gaw hkalup hkam la myit dai shaloi, shi hte rau lup makoi ai hkrum nna Hkristu hpe si mat ai ni kaw na hkrung sharawt la ai Karai Kasang hta hkrung sharawt la ai n-gun atsam rawng nga ai hpe kam ai makam masham a marang e shi hte rau sharawt la ai mung hkrum manit dai.

KOLOSE 3:1

Nanhte gaw Hkristu hte rau hkrung sharawt la ai hkrum manit dai rai nna, Karai Kasang a hkra maga e dung ningngai nga ai Hkristu nga ai sumsing lamu na arai ni hpe ra marit nga mu.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

KOLOSE 3:23

Nanhte hpa galaw ti mung, masha a matu galaw ai zawn n rai, Karai Kasang a matu galaw ai zawn, nanhte a myit masin yawng hte ashaja nga mu.

1 HTESALONI 5:10

Hkristu bai du sa wa ai shaloi e anhte gaw si mat sai rai ti mung, naw hkrung nga ai rai ti mung, shi hte rau asak hkrung nga lu na matu shi gaw anhte a matu si hkam ya sai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

1 PETRU 4:6

Ndai lam a majaw si mat sai ni hpe mung dai Kabu Gara Shiga hkaw dan sai rai nga ai. Shanhte gaw hkum shan hku asak hkrung nga ai ten hta masha shagu hpe tara daw dan ai zawn daw dan hkrum sai ni rai ma ai. Shanhte hpe hkaw tsun ai lam gaw Karai Kasang hkrung nga ai zawn shanhte a wenyi hta hkrung nga na matu rai nga ai.

1 YAWHAN 4:9

Anhte gaw Kasha a marang e htani htana asak lu la mu ga nga, Karai Kasang gaw shi a Kasha shingtai hpe mungkan ga de shangun dat wu ai hte Karai Kasang anhte hpe tsaw ra ai lam madun mani ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.