2 KORINHTU 5:14 - Jinghpaw Common Language Bible 2009

¹⁴ Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

Jinghpaw Hanson Version Bible

¹⁴ Dai hta n-ga, marai langai wa yawng mayawng a matu mara si hkam yang, yawng mayawng si hkam sai, nga nna myit da nga ga ai majaw, Hkristu a tsawra ai lam gaw anhte hpe woi awn nga mi ai:

2 KORINHTU 5:14 ပူးပေါင်းရင်းမြစ်များ

1 HKAWHKAM LABAU 11:18

Share gumhkawng ai hpyenla masum hte gaw Hpilisti dap kata de kayen shang wa nhtawm hka htung ntsin ja wa let Dawi hpe wa jaw ma ai. Rai ti mung shi gaw ntsin dai hpe n lu wu ai; shing di na malai dai Madu hpe hkungga nawng ya ai zawn dai hpe shi ru hkaw kau let,

YOBA 32:18

Ngai gaw ga tsun lu na matu ndawt nga nngai; ngai tsun na ga ni hpe n lu ma-um da lu ni ai.

Shawlumon A Mahkawn Ga 1:4

Ngai hpe dun la e, an rau sha tsan tsan de hprawng ga; nye a hkawhkam tai nga u, na a gawk de ngai hpe woi shang wa rit. An rau sha kabu let pyaw nga ga; n dum mat hkra lu nang nna dut dang ai lam n nga ai sha tsaw ra nga ga. Numsha ni yawng nang hpe tsaw ra ai gaw mauhpa n rai nga a hka!

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

LUKA 15:24

Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 24:29

Rai ti mung shan gaw, “An hte rau shang nga ga; jan mung du mat wa sai, nsin mung sin wa ra ai,” ngu nna shi hpe akroi anoi saw mu ai. Dai majaw shan hte rau nga na shi shang wa ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 11:25

Yesu gaw, “Ngai gaw bai hkrung rawt ai lam hte asak hkrung ai lam rai nga nngai. Ngai hpe kam sham ai wa kadai mung, shi si mat ti mung, ahkrung nga na ra ai.

YAWHAN 5:25

Ngai nanhte hpe teng teng tsun made ga, si nga ai ni gaw Karai Kasang a Kasha a nsen na lu na ahkying du wa ra ai rai nna dai ahkying gaw ya e pyi rai nga ai. Dai hpe na la ai ni mung asak hkrung nga na mara ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

ROMA 2:2

Shing re ai amu ni hpe galaw ai masha ni a ntsa e Karai Kasang jeyang daw dan ai gaw, teng man nga ai hpe anhte chye nga ga ai.

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

2 KORINHTU 3:7

Lungpa hta ka da ai jep ai tara hpe jaw ai shaloi, Karai Kasang a hpung shingkang htoi kabrim dan pru nga ai. Dai hpung shingkang a htoi ahkung ai gaw Mawshe a myi man kaw na yat yat hkoi mat wa magang nga ai. Rai ti mung nachying wa naw htoi kabrim nga ai majaw Israela amyu masha ni shi a myi man hpe n azi yu lu ma ai. Si hkrung si htan hpe byin shangun ai jep ai tara hpe dai zawn re ai hpung shingkang hte jaw ya ai rai yang gaw,

2 KORINHTU 3:9

Yubak mara a ari jaw na matu daw dan ya ai lam hte seng ai magam amu gaw hpung shingkang hte hpring tsup nga ai rai yang gaw, hkye hkrang la ai lam jaw ya ai hte seng ai magam amu gaw gade wa grau nna hpung shingkang dan hkung na rai hka!

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

KOLOSE 2:13

Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

KOLOSE 3:3

Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

1 TIMOHTI 5:6

Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 YAWHAN 5:19

Mungkan ting gaw n hkru ai wa a up hkang ai a kata e rai nga ai, rai ti mung anhte gaw Karai Kasang hte seng ai rai nga ga ai hpe anhte chye ga ai.