2 KORINHTU 5:12 - Jinghpaw Common Language Bible 2009

¹² Ning ngu nna tsun ai hta anhte gaw tinang a kaja ai lam hpe nanhte a man e shagrau sha-a dan nga ga ai n rai; anhte a ntsa e nanhte kabu gumrawng shara lu la shangun na matu she rai nga ai. Shaloi she masha a arawn alai hpe n yu ai sha shinggan nsam hpe sha yu nna gumrawng chye ai ni hpe mahtai jaw lu na rai myit dai.

Jinghpaw Hanson Version Bible

¹² Anhte gaw nanhte a man e anhte hkum marai bai dan ga ai n re ai sha, myit masin hta n rai, myi man hta sha gumrawng ai ni hpe htan lu myit ga she, anhte a lam gumrawng na shara, nanhte hpe jaw nga ga ai.

2 KORINHTU 5:12 ပူးပေါင်းရင်းမြစ်များ

GA SHAGAWP 27:2

Na a n-gup hte nang nan hpe hkum shakawn, masha ni shakawn mu ga, na a nten hte nang nan hpe hkum shagrau tsasam ni shagrau mu ga.

2 KORINHTU 1:14

Anhte a Madu Yesu Hkristu bai du sa ai nhtoi hta anhte gaw nanhte a majaw gumrawng lu na ga ai hte maren, nanhte mung anhte a majaw gumrawng lu mu ga, ya e anhte a lam kau chyen sha mi nanhte chye na tawn ti mung, hkum tsup kup hkra chye na wa na hpe ngai myit mada nga nngai.

2 KORINHTU 10:12

Kaja wa nga yang, tinang a hkum hpe shagrau shatsaw la ai masha hpan hta hti lawm nna anhte a hkum ni hpe shanhte hte madang n shabung gwi ga ai. Shanhte gaw tinang a madang hpe chye shadawn na matu tinang dai madang masat la ma ai. Dai masat da ai madang hte tinang dai shadawn la nga ma ai. Shing re ai ni gaw gade wa angawk angak rai nga ma hka!

2 KORINHTU 10:18

Hpa majaw nga yang, tengman ai arawng hkam la ai wa gaw tinang hkum dai tinang shagrau shatsaw ai wa n rai, Karai Kasang e shagrau shatsaw hkrum ai wa she rai nga ai.

2 KORINHTU 10:7

Nanhte gaw hpa lam hpe mung ntsa lam hku sha yu nga myit dai; “Ngai gaw Hkristu hte seng ai wa rai nngai,” nga nna tinang hkum hpe myit nawn ai wa langai ngai nga a ni? Lama nga ai rai yang, kalang mi bai shi hkum hpe shi sumru yu u ga. Hpa majaw nga yang, shi gaw Hkristu a maga na masha rai nga ai hte maren, anhte mung Hkristu a maga na masha ni rai nga ga ai.

2 KORINHTU 10:8

Ngai gaw Karai Kasang jaw ai ahkang aya hte seng nna ladu lai hkra lama wa gumrawng hkrup ai rai ti mung, dai ahkang aya gaw nanhte hpe sharun shabya na matu n rai, nanhte hpe gaw gap sharawt na matu she rai nga ai.

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 3:1

Ning nga nna tsun ai gaw anhte a lam anhte gumrawng tsun ai zawn nga nga a ni? Masha nkau mi zawn anhte a lam madi shadaw ai laika ni nanhte hpe jaw na ra a ni? Shing n rai, nanhte kaw na madi shadaw laika hpyi gun na ra a ni?

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

HPILIPI 1:26

Dai rai nna ngai nanhte hpang de bai du wa ai shaloi nye a marang e nanhte gaw Hkristu Yesu hta e grau nna kabu gumrawng lu na myit dai.